हरी मेरो जीवन प्राण-अधार
और आसरो नाहीं तुमबिन तीनो लोक मज़ार
आपबिना मोहे कछु ना सुहायो निरख्यो सब संसार
मीरा कहे मै दासी बावरी दीज्यौ मती बिसार
गीत – विद्याधर गोखले
संगीत – पं. राम मराठे
स्वराविष्कार- ∙ पं. राम मराठे∙ मधुवंती दांडेकर
नाटक – मंदार-माला
राग – मिश्र पिलू
ताल-केरवा
गीत प्रकार – हे श्यामसुंदर, नाट्यसंगीत
मजला कुठे न थारा, मजला नसे निवारा !
करिते क्षणाक्षणाला, दुर्दैव घोर मारा !
निष्प्रेम जीविताची नौका बुडून गेली
संसार-सागरी या ना सापडे किनारा !
वीणेवरी मनाच्या आघात जाहलासे
मांगल्य-भावनेच्या गेल्या तुटून तारा !
गीत – विद्याधर गोखले
संगीत – पं. राम मराठे, प्रभाकर भालेकर
स्वर- रामदास कामत
नाटक – मदनाची मंजिरी
गीत प्रकार – नाट्यसंगीत
‘ॐ नमो भगवते वासुदेवाय’ ते
मंत्र जपतांचि हा दुरित-तम भंगते
जेथ ना हीनता, मलिनता ना जिथें
दिव्य लोकीं अशा अढळपद लाभतें !
गीत – विद्याधर गोखले
संगीत – गोविंदराव अग्नि
स्वर- विश्वनाथ बागुल
नाटक – चमकला धृवाचा तारा
गीत प्रकार – नाट्यसंगीत, प्रार्थना
फुलला मनीं वसंत-बहार
मुनिरायांच्या कृपाप्रसादें नुरला चिंता-भार
उदासवाणा शिशिर संपला
वासंतिक मधुगंध पसरला
धुंद निनादे चैतन्याचा मनिं पंचम-झंकार
गीत – विद्याधर गोखले
संगीत – छोटा गंधर्व
स्वर- कान्होपात्रा किणीकर
नाटक – सुवर्णतुला
गीत प्रकार – नाट्यसंगीत, मना तुझे मनोगत
ऋतुराज आज वनि आला, ऋतुराज आज वनि आला !
नव सुमनांचा, नव कलिकांचा बहर घेउनी आला !
कुंज कुंज अलि-पुंज गुंजने बघ झंकारित झाला !
सुरस रागिणी नव प्रणयाची कोकिळ छेडत आला !
नवथर सुंदर शीतल निर्झर त्यात रंगुनी गेला !
गीत – विद्याधर गोखले
संगीत – पं. राम मराठे, प्रभाकर भालेकर
स्वर- मधुवंती दांडेकर
नाटक – मदनाची मंजिरी
गीत प्रकार – नाट्यसंगीत
रतिहुन सुंदर मदनमंजिरी ! मदनाचें वरदान तुला
ललित कोमला तव सुंदरता लाजविते मंदार-फुलां
बघुनि तुला गगनांत खंगते कलेकलेनें चंद्रकला
कळे न मजला, वृथा फुलांचा नाद कशाला हवा तुला?
गीत – विद्याधर गोखले
संगीत – छोटा गंधर्व
स्वर- प्रसाद सावकार
नाटक – सुवर्णतुला
गीत प्रकार – नाट्यसंगीत
परित्राणाय साधूनां विनाशाय च दुष्कृताम्
धर्मसंस्थापनार्थाय सम्भवामि युगे युगे
थोराहुनही थोर
श्रीहरी गोकुळचा चोर
सकल सुरांना वंदनीय हा
असुरांना शिरजोर
चंद्रवदन तो देवकीनंदन
राधेचा चितचोर
देखुनी ज्यातें प्रमोदित होती-
भाविक-नेत्र चकोर
मृदू अधरांवर मुरली सुस्वर
तरीही श्रीधर समर धुरंधर
जरी लोण्याहून मऊ तरीही
वज्राहून कठोर
गीत – विद्याधर गोखले
संगीत – नीळकंठ अभ्यंकर
स्वर- सुधीर फडके
नाटक – गोकुळचा चोर
राग – यमन
गीत प्रकार – हे श्यामसुंदर, नाट्यसंगीत
अंगणी पारिजात फुलला
बहर तयाला काय माझिया प्रीतिचा आला
धुंद मधुर हा गंध पसरला
गमलें मजला मुकुंद हंसला
सहवासातुर मदीय मनाचा कणकण मोहरला !
गीत – विद्याधर गोखले
संगीत – छोटा गंधर्व
स्वर- जयमाला शिलेदार
नाटक – सुवर्णतुला
राग – बिहाग
गीत प्रकार – नाट्यसंगीत
बसंत की बहार आयी
तरुवर, बन-बेलरियाँ
फूल रही डालरियाँ
मोर बोले, ‘कोयलिया
नूर बहार छाई’
कलियनसे भंवरा खेले
घुंघटका पट खोले
कली कली मुसकाई
रंग रंग सुख पायी
गीत – विद्याधर गोखले
संगीत – पं. राम मराठे
स्वर- पं. राम मराठे, प्रसाद सावकार
नाटक – मंदार-माला
राग – बहार, वसंत
ताल-एकताल
गीत प्रकार – नाट्यसंगीत
बलमा आये रंगीले
रसीले बादल सावनके
नटखट चंचल नाचे बिजुरियाँ
गीत खुशीके गाये नदियाँ
आंचल हरियाला झलके
भीगी भीगी रात में रसियाँ !
मिठी मिठी किजिये बतियाँ
कुंज कुंज महके !
गीत – विद्याधर गोखले
संगीत – नीळकंठ अभ्यंकर
स्वर- कीर्ती शिलेदार
नाटक – संगीत स्वरसम्राज्ञी
गीत प्रकार – नाट्यसंगीत
भरे मनात सुंदरा, तुझीच मूर्ति श्यामला
छंद लागला जिवास, धुंद जो करी मला
कोकिळेस लाभली सुरम्य गीत-माधुरी
गौरगाल भूषवी सुरेख तीळ साजिरा
लाभता तुझ्यापरी सुकांत कृष्ण-सुंदरी
म्हणेन मी नको मला, अप्सरा मनोहरा
गीत – विद्याधर गोखले
संगीत – वसंत देसाई
स्वर- प्रसाद सावकार
नाटक – जय जय गौरीशंकर
गीत प्रकार – नाट्यसंगीत, मना तुझे मनोगत
धन संपदा न लगे मला ती
मी मानितो गुण-संपदेला
ती चंचला कमला कशाला
मद-धुंद जी करिते मतिला
मी वंदितो माधवाला
गीत – विद्याधर गोखले
संगीत – पं. राम मराठे
स्वर- पं. राम मराठे
नाटक – मेघमल्हार
राग – अभोगी, अभोगी कानडा
गीत प्रकार – नाट्यसंगीत
दयेचा सागर अपरंपार
श्रीहरी सकल जीवनाधार
जयाच्या कृपा-कटाक्षानें
विषाची होते अमृत-धार !
गीत – विद्याधर गोखले
संगीत – गोविंदराव अग्नि
स्वर- विश्वनाथ बागुल
नाटक – चमकला धृवाचा तारा
गीत प्रकार – भक्तीगीत, नाट्यसंगीत