जिकडेतिकडे शोधित का रे फिरशी वेड्यापरी
वसे तो देव तुझ्या अंतरी
तरिते काठी डोंगरमाथी
संत-मुनीजन प्रभुगुण गाती
या विश्वाचा जो निर्माता जागा असे श्रीहरी
मिळतो मानव जन्म एकदा
ईश्वर एकच असे सर्वथा
अज्ञानाचा सारून पडदा येसन मार्गावरी
असेल इच्छा जर मुक्तीची
कास धरावी सद्भक्तीची
वाट खरी ही आत्महिताची तुज या धरतीवरी
गीत – दत्ता पाटील
संगीत – मधुकर पाठक
स्वर- प्रह्लाद शिंदे
गीत प्रकार – भक्तीगीत
चल ग सखे चल ग सखे पंढरीला
तू ध्यानी जरा ठेव, जिथे भाव तिथे देव
चल भेटू विठ्ठल रखुमाईला
चंद्रभागा नदीतीरावर
मंदिर विठ्ठलाचे सुंदर
देव आहे उभा विटेवर
ठेउनी दोन्ही कर कटेवर
ते पाहू त्यांचे रूप, लावू ऊद आणि धूप
करु वंदन प्रभुच्या मूर्तीला
देवाच्या दारी कुणा ना बंदी
दु:खी पीडित होती आनंदी
दुर्जन होती भक्तीचे छंदी
आली चालून छान ही संधी
तू दे हातात हात, उद्या चल ग धरू वाट
पाहू डोळे भरूनी जगजेठीला
वाली गरिबांचा पंढरपूरात
दर्शन घेऊ जोडुनी हात
तो देईल संकटी साथ
नांदू संसारी दोघे सुखात
तुला सांगतो त्रिवार, नको देऊ तू नकार
आज दत्तात्रेयाच्या वाणीला
गीत – दत्ता पाटील
संगीत – मधुकर पाठक
स्वर- प्रह्लाद शिंदे
गीत प्रकार – विठ्ठल विठ्ठल, भक्तीगीत
दर्शन देरे देरे भगवंता
किती अंत आता पहाशी अनंता
माय पित्याची सेवा पुंडलिकाची
भक्ति पाहिली तू गोर्याकुंभाराची
तैसे येणे व्हावे तुझे कृपावंता
ऐकताच वाणी संत चोखोबाची
साक्षात प्रगटे मूर्ति विठ्ठलाची
ऐसे दान देशी तुझ्या प्रिय संता
तूच जन्मदेता तूच विश्वकर्ता
मन शांत होई तुझे गूण गाता
हीच एक आशा पुरवी तू आता
गीत – दत्ता पाटील
संगीत – मधुकर पाठक
स्वर- प्रह्लाद शिंदे
गीत प्रकार – भक्तीगीत