नको देवराया अंत आतां पाहूं
प्राण हा सर्वथा जाऊं पाहे
हरिणीचें पाडस व्याघ्रें धरियेलें
मजलागी जाहलें तैसे देवा
तुजविण ठाव न दिसे त्रिभुवनी
धांवे हो जननी विठाबाई
मोकलुनी आस जाहले उदास
घेई कान्होपात्रेस हृदयात
गीत – संत कान्होपात्रा
संगीत – आनंदघन
स्वराविष्कार- ∙ पं. हृदयनाथ मंगेशकर∙ संजीव चिम्मलगी( गायकांची नावे कुठल्याही विशिष्ट क्रमाने दिलेली नाहीत. )
चित्रपट – साधी माणसं
गीत प्रकार – चित्रगीत, संतवाणी
टीप – • स्वर- पं. हृदयनाथ मंगेशकर, संगीत- आनंदघन• स्वर- संजीव चिम्मलगी, संगीत- कौशल इनामदार
पतित तूं पावना । म्हणविसी नारायणा ॥१॥
तरी सांभाळी वचन । ब्रीद वागविशी जाण ॥२॥
याती शुद्ध नाहीं भाव । दुष्ट आचरण स्वभाव ॥३॥
मुखीं नाम नाहीं । कान्होपात्रा शरण पायीं ॥४॥
गीत – संत कान्होपात्रा
संगीत – मास्टर कृष्णराव, विनायकबुवा पटवर्धन
स्वराविष्कार- ∙ मधुवंती दांडेकर∙ बालगंधर्व( गायकांची नावे कुठल्याही विशिष्ट क्रमाने दिलेली नाहीत. )
राग – झिंझोटी
ताल-केरवा
गीत प्रकार – नाट्यसंगीत, संतवाणी, विठ्ठल विठ्ठल
अगा वैकुंठींच्या राया ।
अगा विठ्ठल सखया ॥१॥
अगा नारायणा ।
अगा वसुदेवनंदना ॥२॥
अगा पुंडलिकवरदा ।
अगा विष्णू तूं गोविंदा ॥३॥
अगा रखुमाईच्या कांता ।
कान्होपात्रा राखी आतां ॥४॥
गीत – संत कान्होपात्रा
संगीत – मास्टर कृष्णराव, विनायकबुवा पटवर्धन
स्वर- पं. राम मराठे
नाटक – संत कान्होपात्रा
राग – भैरवी
ताल-केरवा
गीत प्रकार – नाट्यसंगीत, संतवाणी, विठ्ठल विठ्ठल