पडले स्वप्न पहाटेला
स्वप्नी बनुनी गौळण मी ग गेले यमुनेला
चार पावले वाट चालले
तोच मनातील हेतू फिटले
अवखळ हासत मोहन दिसला माझ्या नजरेला.. जाता यमुनेला
अवचित सारे त्याला कळले
आणि बोलता लबाड डोळे
धीटपणे ग मला इशारा त्यानीच ना केला.. जाता यमुनेला
लाजत पण मी गेले जवळी
दिव्य प्रीतिचे जीवन उजळी
बागच फुलली, नसती काटे माझ्या वाटेला.. जाता यमुनेला
गीत – पुरुषोत्तम पाटील
संगीत –
स्वर- बबनराव नावडीकर
गीत प्रकार – हे श्यामसुंदर, कल्पनेचा कुंचला, भावगीत
