दे ना रे पुन्हा पुन्हा
गर्द निळा गगनझुला
कोवळ्या गुलाबाची पाकळी दंवाची
झेलताना तोल गेला काळजाला भार झाला
दे ना रे पुन्हा पुन्हा गर्द निळा गगनझुला
आठवण तुझी सारखी
निघे काजव्यांची पालखी
रोज ओले फुलांचे दोन डोळे
रेघ काजळाची कोवळी
चंदनी शहार्याचा, गंधल्या मिठीचा
तू किनारा आज माझ्या जीवनाला लाभलेला
दे ना रे पुन्हा पुन्हा गर्द निळा गगनझुला
डोळे माझे भिरभिरले
मोर पापण्यांचे लाजले
चांदराती फुलांच्या सांजवाती
स्पर्श अमृताचे झेलले
बावर्या निखार्याची आग ही उराशी
सोसताना श्वास ओला, केशराचा गंध आला
दे ना रे पुन्हा पुन्हा गर्द निळा गगनझुला
सुनी सुनी रात चालली
साय सावलीची दाटली
मंद झाले बिलोरी चांदणे हे
नीज पाखरांची मोडली
जांभळ्या क्षितिजाला चंद्र हा बुडाला
पहाटेला मोगर्याचा पूर आला, सूर झाला !
दे ना रे पुन्हा पुन्हा गर्द निळा गगनझुला
गीत – अशोक बागवे
संगीत – कौशल इनामदार
स्वर- हंसिका अय्यर
अल्बम – गर्द निळा गगनझुला
गीत प्रकार – भावगीत
