क्षण आला भाग्याचा ।
आला सौख्याचा ॥
हांसत मोदें नाचत नादें ।
हें मन माझें ।
मंगल दिन हा ।
आला सौख्याचा ॥
प्रेममया जीवनिं या ।
जरि राहिलें रंगुनिया ।
आला उदयाला बहराला ।
मंगल दिन हा ।
आला सौख्याचा ॥
गीत – मो. ग. रांगणेकर
संगीत – मास्टर कृष्णराव
स्वर- ज्योत्‍स्‍ना भोळे
नाटक – कुलवधू
राग – मिश्र यमनकल्याण
गीत प्रकार – नाट्यसंगीत
ललना कुसुम कोमला । होई अकारण हृदयी व्याकुळ
साहिल का कधि ऐशा कृतिला ॥
जन्मजन्मांतरी धरुनि जी आस अंतरी ।
जीवन कटु हें मधुर मानिती । मातृहृदया ना तुला ॥
गीत – मो. ग. रांगणेकर
संगीत – श्रीधर पार्सेकर
स्वर- पु. ल. देशपांडे
नाटक – संगीत वहिनी
गीत प्रकार – नाट्यसंगीत
नको वळुन बघू माघारी
जा रे खुशाल दर्यावरी
तुझ्या नि माझ्या प्रीतिची रे संगती
घेऊन शिदोरी आठवणींची
तुझी लाडकी उनाड होडी
बघुन समिंदर होइल वेडी
आणि तयाला कवळायाला सारखी घेइल उडी
त्या क्षणी याद तुला येऊन माझी जाशिल कळवळुनी
नाही सोबती तुझ्या संगती
एकटाच तू दर्यावरती
बघुन तुला रे येतिल वरती रत्‍नं सुंदर किती
त्यामधे नाही तुझी राणी, पाहुनी होशिल खिन्‍न मनी
कशी खुळी ती आभाळातुनी
नक्षत्रं ही तुला हेरुनी
डोळे मोडुनि नाचुनी चमकुनी
येतिल खाली जरी रे
आठवेल रे झोपडीतली मिणमिणती चांदणी
गीत – मो. ग. रांगणेकर
संगीत – केशवराव भोळे
स्वर- ज्योत्‍स्‍ना भोळे
गीत प्रकार – कोळीगीत
अंतरिच्या खुणा माझ्या । ओळखिसी एकला तूं ।
धुंडिती हे नेत्र कोणा । ओळखसी एकला तूं ।
थरथरती हे ओठ माझे । ओढते पाऊल मागें ।
भरुनि कां ये ऊर माझा । ओळखसी एकला तूं ॥
ऐकतां चाहूल तुझी । मूक होई वाणी माझी ।
परि बोले मी किती मुखांनीं । ओळखसी एकला तूं ॥
गीत – मो. ग. रांगणेकर
संगीत – डी. पी. कोरगावकर
स्वर- ज्योत्‍स्‍ना भोळे
नाटक – आशीर्वाद
गीत प्रकार – नाट्यसंगीत
भाग्यवती मी त्रिभुवनि झाले । कुबेर माझा धनी ॥
तुझेच सारे वैभव येथे । मी नावाचा धनी ॥
दो दिवसाचे वैभव खोटे ।
मोल तयाचे जगास वाटे ।
तुम्हावाचुनी मातीमोल हे । नकोच असले जिणे ।
करितील हेवा सारे नवरे । पाहुनि माझं जिणे ।
भाग्यवती मी तुमची राणी ।
भाग्यवान मी नवरा म्हणुनी ।
जोवरि लाभे प्रेमाचे धन । पर्णकुटीही बरी ।
मानिसी ऐसे वाटे होइल तुझा कुबेर भिकारी ॥
गीत – मो. ग. रांगणेकर
संगीत – मास्टर कृष्णराव
स्वर- मास्टर अविनाश, ज्योत्‍स्‍ना भोळे
नाटक – कुलवधू
गीत प्रकार – नाट्यसंगीत, युगुलगीत
छंद तुझा मजला का मुकुंदा लावियला
अशी कशी रे मी, भुलले सांग तुला
संसारी माझ्या येउनिया का ऐसा
हरि का केला घात पुरा,
का असा रे घननीळा
कशास झाले सासुरवाशीण मी रे
उठता बसता तुझेच चिंतन
कुणा म्हणू रे मम स्वामी, नकळे मी
जोवरी तू मनि माझ्या
गीत – मो. ग. रांगणेकर
संगीत – मास्टर कृष्णराव
स्वर- ज्योत्‍स्‍ना भोळे
नाटक – एक होता म्हातारा
गीत प्रकार – हे श्यामसुंदर, नाट्यसंगीत