पयलं नमन हो करितो वंदन पयलं नम

पयलं नमन हो करितो वंदन
पयलं नमन हो पयलं नमन
तुम्ही ऐका हो गुणिजन
आम्ही करितो कथन

पयलं नमन करुनी वंदन
इडा मांडून, इडा देवाला
इडा गावाला, इडा पाटलाला
आणि इडा मंडळिला

आम्ही सांगतो नमन
तुम्ही ऐका हो गुणिजन
पयलं नमन हो पयलं नमन
आम्ही सांगतो कथन
तुम्ही ऐका हो गुणिजन

विस्कटली हरा आम्ही येथ फुले
अज-गज-गौरीवर चवरी डुले
विस्कटली हरा आम्ही घेत फुले

लहान मुलंमुली जमून चिमुकाली
खेळ भातुकलीचा खेळताना नकली
अकलेच्या चिखलात नेत्र खुले
विस्कटली हरा आम्ही घेत फुले

गणपती आला अन्‌ नाचुन गेला रं
गणपती आला अन्‌ नाचुन गेला
नटवार पार मांग झाला रं
गणपती आला अन्‌ नाचुन गेला

पयलं नमन हो करितो वंदन
पयलं नमन हो पयलं नमन

गीत – पारंपरिक

संगीत – शाहीर साबळे

स्वर- शाहीर साबळे

गीत प्रकार – प्रथम तुला वंदितो, लोकगीत

फू बाई फू, फुगडी फू दमलास काय

फू बाई फू, फुगडी फू
दमलास काय माझ्या गोविंदा तू

आत पोकळ, बाहेर पोकळ डोंबार्‍याचा वेळू
म्हतारपणी नवरा केला तोही पोरखेळू

माय-लेकी गोष्टी सांगे त्यांची प्रीत मोठी
लुगडं सोडून देऊ लागली जावयाच्यासाठी

नवी नवी नवरी तवा शेवरीवाणी लाजं
आता झाली चिली-पिल्लं कोंबडीवाणी झुंजं

काजळ ल्याली, कुंकु ल्याली, टिकली दावी लोका
देवाजीचा संग नाही रंग झाला फिका

संतांची निंदा केली, निंदा नाही बरी
तुकाराम शरण गेले सद्गुरू पायी

गीत – पारंपरिक

संगीत – मधुकर पाठक

स्वर- शाहीर विठ्ठल उमप

गीत प्रकार – लोकगीत

या गो दांड्यावरना बोलते नवरा

या गो दांड्यावरना बोलते नवरा कुणाचा येतो

त्याच्या करवल्या गो करवल्या नाजुक-साजुक
त्या नेसल्या गो नेसल्या पैठणी सार्‍या
त्यांच्या डोईमंदी सायलींच्या गो येन्या
पायी पैंजण गो वाजती रुणझुण छुनछुन
त्या चालल्या गो चालल्या ठुमकत ठुमकत
त्यांचे वर्‍हाडी गो वर्‍हाडी फेटेवाले
त्यांचे यजमान गो यजमान चष्मेवाले
त्यांचे भाऊबंद गो भाऊबंद घोडेवाले
त्यांनी उडविले, उडविले दारुगोले

गीत – पारंपरिक

संगीत – शाहीर साबळे

स्वर- शाहीर साबळे

गीत प्रकार – कोळीगीत

ए री माई आज शुभ मंगल गावो शोक

ए री माई आज शुभ मंगल गावो
शोक पुरावो मृदंग बजावो
गावो रिझावो बधाओ

गुनी गंधर्व अप्सरा
किन्‍नर बीन रुबाब
बजे सतार

गीत – पारंपरिक

संगीत – राम कदम

स्वर- पं. भीमसेन जोशी, लक्ष्मी शंकर

चित्रपट – पतिव्रता

गीत प्रकार – चित्रगीत

धन्य धन्य हो प्रदक्षिणा

धन्य धन्य हो प्रदक्षिणा सद्गुरूरायाची
झाली त्वरा सुरवरा विमान उतरायाची

पदोपदी अपार झाल्या पुण्याच्या राशी
सर्वही तीर्थे घडली अम्हां आदिकरूनि काशी

मृदंग-टाळ-ढोल-भक्त भावार्थे गाती
नामसंकीर्तने ब्रह्मानंदे नाचती

कोटी ब्रह्महत्या हरिती करिता दंडवत
लोटांगण घालिता मोक्ष लोळे पायात

गुरुभजनाचा महिमा न कळे आगमा-निगमांसी
अनुभव ते जाणती जे गुरुपदिंचे रहिवासी

प्रदक्षिणा करूनि देह भावे वाहिला
श्रीरंगात्मज विठ्ठल पुढे उभा राहिला

गीत – पारंपरिक

संगीत –

स्वर-

गीत प्रकार – भक्तीगीत, दिगंबरा दिगंबरा

  

गणा धाव रे मना पाव रे

गणा धाव रे मना पाव रे
तुझ्या प्रेमाचे किती गूण गाऊ रे
तू दर्शन अम्हांला दाव रे

तुझ्या कृपेची छाया असू दे
ध्यानी-मनी नाम तुझे ठसू दे

माझी वादलात सापडली नाव रे
दूर किनारी हाय माझा गाव रे

गीत – पारंपरिक

संगीत – देवदत्त साबळे

स्वर- देवदत्त साबळे

गीत प्रकार – प्रथम तुला वंदितो, लोकगीत

घडी घडी घडी चरण तुझे आठवती राम

घडी घडी घडी चरण तुझे आठवती रामा
आसनी शयनी भोजनी गमनी, छंद तुझा अम्हां

दृष्या तीच, पूर्णब्रह्म, नित्य निर्विकारा
अंबुजदल, नयना, मुनि मानस विहारा

सर्वसाक्षी सर्वोत्तम, सर्व गुरुरूपा
प्रेमचित्ता, सौख्यसिंधू, दशरथकुलदीपा

मास दास भ्रात नाथ, तूच एक पाही
केशव ह्मणे, करी कृपा शरण तुझ्या पायी

गीत – पारंपरिक

संगीत – राम फाटक

स्वर- माणिक वर्मा

गीत प्रकार – राम निरंजन, भक्तीगीत