हरिनामवेली पावली विस्तारी ।
फळीं पुष्पीं भार बोल्हावली ॥१॥
तेथें माझ्या मना होइ पक्षिराज ।
साधावया काज तृप्तीचें या ॥२॥
मुळिचिया बीजें दाखविली गोडी ।
लवकर चि जोडी जालियाची ॥३॥
तुका ह्मणे क्षणक्षणां जातो काळ ।
गोडी ते रसाळ अंतरेल ॥४॥
गीत – संत तुकाराम
संगीत – श्रीनिवास खळे
स्वर- पं. भीमसेन जोशी
गीत प्रकार – संतवाणी
जन विजन जालें आह्मां ।
विठ्ठलनामा प्रमाणे ॥१॥
पाहें तिकडे मायबाप ।
विठ्ठल आहे रखुमाई ॥२॥
वन पट्टण एकभाव ।
अवघा ठाव सरता जाला ॥३॥
आठव नाहीं सुखदु:खा ।
नाचे तुका कौतुकें ॥४॥
गीत – संत तुकाराम
संगीत – यशवंत देव
स्वर- रामदास कामत
राग – चंद्रकंस
गीत प्रकार – संतवाणी, विठ्ठल विठ्ठल
कन्या सासुर्‍यासीं जाये ।
मागें परतोनी पाहे ॥१॥
तैसें जालें माझ्या जिवा
केव्हां भेटसी केशवा ॥२॥
चुकलिया माये ।
बाळ हुरुहुरु पाहे ॥३॥
जीवनावेगळी मासोळी ।
तैसा तुका तळमळी
गीत – संत तुकाराम
संगीत – श्रीनिवास खळे
स्वर- लता मंगेशकर
गीत प्रकार – संतवाणी
खेळ मांडीयेला वाळवंटी घाई ।
नाचती वैष्णव भाईं रे ।
क्रोध अभिमान गेला पावटणी ।
एक एका लागतील पायीं रे ॥१॥
गोपीचंदनउटी तुळसीच्या माळा
हार मिरविती गळां ।
टाळ मृदुंग घाई पुष्प वर्षाव ।
अनुपम्य सुखसोंहळा रे ॥२॥
वर्णअभिमान विसरली याती
एकएकां लोटांगणीं जाती ।
निर्मळ चित्तें जालीं नवनीतें ।
पाषाणा पाझर सुटती रे ॥३॥
होतो जयजयकार गर्जत अंबर
मातले हे वैष्णव वीर रे ।
तुका ह्मणे सोपी केली पायवाट ।
उतरावया भवसागर रे ॥४॥
गीत – संत तुकाराम
संगीत – श्रीनिवास खळे
स्वर- लता मंगेशकर
राग – भूप, नट
गीत प्रकार – संतवाणी, विठ्ठल विठ्ठल
लहानपण दे गा देवा ।
मुंगी साखरेचा रवा ॥१॥
ऐरावत रत्‍न थोर ।
त्यासी अंकुशाचा मार ॥२॥
जया अंगीं मोठेपण ।
तया यातना कठीण ॥३॥
तुका ह्मणे बरवे जाण ।
व्हावे लहानाहून लहान ॥४॥
(महापूरे झाडे जाती ।
तेथे लव्हाळ वाचती ॥५॥)
गीत – संत तुकाराम
संगीत – पं. कुमार गंधर्व
स्वर- पं. कुमार गंधर्व
नाटक – लहानपण देगा देवा
गीत प्रकार – नाट्यसंगीत, संतवाणी
श्रीअनंता मधुसूदना । पद्मनाभा नारायणा ॥१॥
सकळदेवा आदिदेवा । कृपाळुवा जी केशवा ।
महानंदा महानुभावा । सदाशिवा सहजरूपा ॥२॥
अगा ये सगुणा निर्गुणा । जगज्जनित्या जगज्जीवना ।
वसुदेवदेवकीनंदना । बाळरांगणा बाळकृष्णा ॥३॥
तुका आला लोटांगणी । मज ठाव द्यावा जी चरणीं ।
हे चि करीतसें विनवणी । भवबंधनीं सोडवावें ॥४॥
गीत – संत तुकाराम
संगीत –
स्वर- सुरेश हळदणकर
गीत प्रकार – हे श्यामसुंदर, संतवाणी
ॐकार प्रधान रूप गणेशाचे ।
हे तिन्ही देवांचे जन्मस्थान ॥१॥
अकार तो ब्रह्मा, उकार तो विष्णु ।
मकार महेश जाणियेला ॥२॥
ऐसे तिन्ही देव जेथोनी उत्पन्‍न ।
तो हा गजानन मायबाप ॥३॥
तुका ह्मणे ऐसी आहे वेदवाणी ।
पहावी पुराणे व्यासाचिया ॥४॥
गीत – संत तुकाराम
संगीत – कमलाकर भागवत
स्वर- सुमन कल्याणपूर
राग – भूप, नट
गीत प्रकार – प्रथम तुला वंदितो, संतवाणी
अगा करुणाकरा करितसें धांवा ।
या मज सोडवा लवकरी ॥१॥
ऐकोनियां माझी करुणेचीं वचनें ।
व्हावें नारायणें उतावीळ ॥२॥
मागें पुढें अवघा दिसे रिता ठाव ।
ठेवूनि पायीं भाव वाट पाहें ॥३॥
उशीर तो आतां न पाहिजे केला ।
अहो जी विठ्ठला मायबापा ॥४॥
उरलें तें एक हेंचि मज आतां ।
अवघें विचारितां शून्य जालें ॥५॥
तुका ह्मणे आतां करीं कृपा दान ।
पाउलें समान दावीं डोळां ॥६॥
गीत – संत तुकाराम
संगीत – श्रीनिवास खळे
स्वर- लता मंगेशकर
राग – तोडी
गीत प्रकार – संतवाणी, विठ्ठल विठ्ठल
चला पंढरीसी जाऊं ।
रखमादेवीवरा पाहूं ॥१॥
डोळे निवतील कान ।
मना तेथें समाधान ॥२॥
संता महंता होतील भेटी ।
आनंदे नाचों वाळवंटी ॥३॥
तें तीर्थांचे माहेर ।
सर्व सुखाचें भांडार ॥४॥
जन्म नाही रे आणीक ।
तुका ह्मणे माझी भाक ॥५॥
गीत – संत तुकाराम
संगीत – अण्णा जोशी
स्वर- मन्‍ना डे
गीत प्रकार – संतवाणी, विठ्ठल विठ्ठल
दाटे कंठ लागे डोळियां पाझर ।
गुणाची अपार वृष्टी वरी ॥१॥
तेणें सुखें छंदें घेईन सोंहळा ।
होऊनि निराळा पापपुण्यां ॥२॥
तुझ्या मोहें पडो मागील विसर ।
आलापें सुस्वर करिन कंठ ॥३॥
तुका ह्मणे येथें पाहिजे सौरस ।
तुह्मांविण रस गोड नव्हे ॥४॥
गीत – संत तुकाराम
संगीत – श्रीनिवास खळे
स्वर- पं. भीमसेन जोशी
गीत प्रकार – संतवाणी, नयनांच्या कोंदणी
धन्य ती पंढरी धन्य भीमातीर ।
आणिंयेलें सार पुंडलिकें ॥१॥
धन्य तो हि लोक अवघा दैवांचा ।
सुकाळ प्रेमाचा घरोघरीं ॥२॥
धन्य ते ही भूमी धन्य तरुवर ।
धन्य ते सुरवर तीर्थरूप ॥३॥
धन्य त्या नरनारी मुखीं नाम ध्यान ।
आनंदे भुवन गर्जतसे ॥४॥
धन्य पशु-पक्षी-कीटक-पाषाण ।
अवघा नारायण अवतरला ॥५॥
तुका ह्मणे धन्य संसारातें आलीं ।
हरिरंगी रंगली सर्वभावें ॥६॥
गीत – संत तुकाराम
संगीत – विठ्ठल शिंदे
स्वर- सुप्रभात हुल्याळकर
गीत प्रकार – संतवाणी, विठ्ठल विठ्ठल
धन्य आजि दिन ।
जालें संतांचें दर्शन ॥१॥
जाली पापा-तापा तुटी ।
दैन्य गेलें उठाउठीं ॥२॥
जालें समाधान ।
पायीं विसांवलें मन ॥३॥
तुका ह्मणे आले घरा ।
तोचि दिवाळीदसरा ॥४॥
गीत – संत तुकाराम
संगीत – श्रीनिवास जोशी
स्वर- पं. भीमसेन जोशी
गीत प्रकार – संतवाणी
ज्ञानियांचा राजा गुरू महाराव ।
ह्मणती ज्ञानदेव तुह्मां ऐसें ॥१॥
मज पामरासीं काय थोरपण ।
पायींची वाहाण पायीं बरी ॥२॥
ब्रह्मादिक जेथें तुह्मां वोळगणे ।
इतर तुळणें काय पुढे ॥३॥
तुका ह्मणे नेणे युक्तीचिया खोलीं ।
ह्मणोनि ठेविली पायीं डोई ॥४॥
गीत – संत तुकाराम
संगीत – राम फाटक
स्वराविष्कार- ∙ पं. भीमसेन जोशी∙ रवींद्र साठे, केशव बडगे( गायकांची नावे कुठल्याही विशिष्ट क्रमाने दिलेली नाहीत. )
गीत प्रकार – संतवाणी
टीप – • स्वर- पं. भीमसेन जोशी, संगीत- राम फाटक.• स्वर- रवींद्र साठे, केशव बडगे, संगीत- भास्कर चंदावरकर, चित्रपट- आक्रीत (१९८१).