कधी सांजवेळी मला आठवुनी
तुझ्या भोवताली जराशी वळुनी पाहशील का?
तुझा दूर येथे उठू दे शहारा
शरीरावरुनी जसा गार वारा वाहशील का?
रिते सूर आता इथे या उराशी
जरा सोबतीला मनाच्या तळाशी राहशील का?
तुझ्या आठवांना इथे साहतो मी
तुला साहतो मी, तशी तू मलाही साहशील का?
गीत – सौमित्र
संगीत – मिलिंद इंगळे
स्वर- मिलिंद इंगळे
अल्बम – सांजगारवा
गीत प्रकार – भावगीत
नकळता असे ऊन मागून येते
सुखाची पुन्हा दु:ख चाहूल घेते
कितीदा हसूनी नव्याने जगावे?
कितीदा रंग या जीवनाचे पहावे?
जुई-मोगर्‍याला जसा गंध येतो
नवा गार वारा वनी वाहताना
मनासारखी मी तुझी होत जाते
तुला सांजवेळी पुन्हा पाहताना
पुन्हा एकमेकांस आधार होता
तुला मी, मला तू, आता पांघरावे
तुझ्यावाचुनी मी इथे राहताना
तुझ्या आठवांचा मनी जोगवा रे
घरासारखे वाटणारे तरीही
नसे या घराला जुना गोडवा रे
घरी लोक माझेच सारे तरीही
असे एकटेपण कसे मी सहावे?
जरी आपुले रक्त गोठून गेले
जरी भोवती सुन्‍न अंधार आहे
तुझा हात हातात आहे अजुनी
तुझी ज्योत जगण्यास आधार आहे
सुखालाच नाकारताना कशाला
उगा आज डोळ्यांतुनी पाझरावे?
कितीदा हसूनि नव्याने जगावे
कितीदा रंग या जीवनाचे पहावे
नदी जीवनाची तरी वाहते रे
कधी ऊन वा सावली लागते रे
नवे गाव, वाटा नव्या शोधुनीया
दिशा तांबडी रोजची सांगते रे
पुन्हा एकदा तू जगावे जगावे
नवे रंग या जीवनाचे पहावे
गीत – सौमित्र
संगीत – अशोक पत्की
स्वर- आशा भोसले, सुरेश वाडकर
चित्रपट – आपली माणसं (१९९२)
गीत प्रकार – चित्रगीत, युगुलगीत
ढग दाटुनी येतात, मन वाहुनी नेतात
ऋतु पावसाळी सोळा थेंब होउनी गातात
झिम्मड पाण्याची, अल्लड गाण्याची
सर येते माझ्यात !
माती लेवुनिया गंध, होत जाते धुंद धुंद
तिच्या अंतरात खोल अंकुरतो एक बंध
मुळे हरखुनी जातात, झाडे पाऊस होतात
ऋतु पावसाळी सोळा थेंब होउनी गातात
झिम्मड पाण्याची, अल्लड गाण्याची
सर येते माझ्यात !
सुंबरान गाऊया रं, सुंबरान गाऊया
झिलरी हिलरी आम्ही तुम्ही सुंबरान गाऊया
सुंबरान गाऊया रं सुंबरान गाऊया
जीव होतो ओला चिंब, घेतो पांखराचे पंख
सार्‍या आभाळाला देतो एक ओलसर रंग
शब्द भिजुनी जातात, अर्थ थेंबांना येतात
ऋतु पावसाळी सोळा थेंब होऊनि गातात
झिम्मड पाण्याची, अल्लड गाण्याची
सर येते माझ्यात !
गीत – सौमित्र
संगीत – अशोक पत्की
स्वर- साधना सरगम
चित्रपट – आईशप्पथ…!
गीत प्रकार – चित्रगीत, ऋतू बरवा