शब्दांचा हा खेळ मांडला तुझ्या कृपेवर ईश्वरा
अम्हां शक्ती दे शब्दशारदे गौरीतनया ईश्वरा
आम्ही जन्मभर भाट होउनी शब्दापाशी नांदतो
गंधर्वाच्या गोड गळ्याची आज प्रार्थना मागतो
तुझा शब्द दे आकाशाचा, झांज डफावर स्वर गहिरा
गीत – ना. धों. महानोर
संगीत – आनंद मोडक
स्वर- चंद्रकांत काळे, रवींद्र साठे, मुकुंद फणसळकर, प्रभंजन मराठे
चित्रपट – एक होता विदूषक
गीत प्रकार – प्रार्थना, चित्रगीत
वळणवाटातल्या झाडीत हिर्वे छंद
वाहत्या निर्झरांचे गुंतले भवबंध
अशीच बांधलेली जन्माची नातीगोती
स्वातीच्या नक्षत्रांनी भिजली काळी माती
मातीचा गंध ओला दरवळ रानभरी
पिकात वेचताना पाऊस-ओल्या पोरी
तुरीच्या हारी गच्च गर्भार ओटीपोटी
ज्वारीच्या ताटव्याशी बोलती कानगोष्टी
डाळिंबी लालेलाल रानाला डोळे मोडी
मेंदीच्या पावलांशी लागट लाडीगोडी
कौलारू घरट्यांशी तुळशीवृंदावन
ऊसाच्या सावल्यांशी पांघरू येतं मन
आकाश पांघरुनी निर्मळ गाणं गावं
पक्षांच्या पंखांवर माहेरी रोज यावं
गीत – ना. धों. महानोर
संगीत – आनंद मोडक
स्वर- जयश्री शिवराम, रवींद्र साठे
चित्रपट – मुक्ता
गीत प्रकार – चित्रगीत
भरलं आभाळ पावसाळी पाहुणा गऽ
बाई श्रावणाचं ऊन्ह मला झेपेना
पिवळ्या पंखाचा पक्षी नाव सांगेना गऽ
बाई श्रावणाचं ऊन्ह मला झेपेना
निळ्या डोळ्यांवरी
मेघुटांच्यापरी
वाट पाहिली डोळा चळ थांबेना
पिवळ्या पंखाचा पक्षी नाव सांगेना गऽ
बाई श्रावणाचं ऊन्ह मला झेपेना
श्रावणाच्या सरी
पानभर थर्थरी
हिर्व्या मोराची थुई थुई थांबेना
निळ्या मोराची थुई थुई थांबेना
पिवळ्या पंखाचा पक्षी नाव सांगेना गऽ
बाई श्रावणाचं ऊन्ह मला झेपेना
गीत – ना. धों. महानोर
संगीत – आनंद मोडक
स्वराविष्कार- ∙ आशा भोसले∙ देवकी पंडित( गायकांची नावे कुठल्याही विशिष्ट क्रमाने दिलेली नाहीत. )
चित्रपट – एक होता विदूषक
गीत प्रकार – चित्रगीत, लावणी, ऋतू बरवा
भर तारुण्याचा मळा, कमळिणी कळा, फुलांचा भार
डोळ्यांतून हलका पाऊस भिजला, मोरनी झालंय भार
बहरलं केवड्याचं रान, दरवळे पान पान पान
जाळीमंदी लपल्या ग पोरी, गोरी त्या छान छान छान
अलवार फुलांची होरी, राजस गोरी गहिनागौर
ह्या कळ्याफुलांच्या देठांमधले रंग सये गर्भार
देहाला डसले जहर तयाची लहर पेटते ओठी
हा बहर कहर अंगात, विकावी रात पांखरासाठी
पौषात हिवाळी रात गळ्यामंदी हात गच्च गुंफावे
मोकळ्या खुळ्या देहाच्या विभवांवरी जाणते रावे
भर तारुण्याचा मळा, कमळिणी कळा, गगन घनदाट
डोळ्यांत लालसर गडद गर्दशी स्पर्शजांभळी रात
गीत – ना. धों. महानोर
संगीत – आनंद मोडक
स्वर- आशा भोसले, रवींद्र साठे
चित्रपट – एक होता विदूषक
गीत प्रकार – चित्रगीत, लावणी, नयनांच्या कोंदणी
डोंगरकाठाडी ठाकरवाडी
ठाकरवाडीला झोपड्या चारी
भक्ताचा नाग्या उन्मन भारी
गर्दीत धाबर्या हुल्लड होरी
डोंगरपारी जुनी पथारी
ठाकरवाडीच्या डोलती वरी
झिंगून कोणी झिंगून कोणी
झिंगून कोणी अंग झोकुनी
फाटक्या वस्तीला जल्माच्या खणी
भक्ताचा नाग्या हुल्लड होरी
जुन्याच गोष्टी देवाच्या पारी
ऐकत बसते ठाकरवाडी
ठाकरवाडीच्या झोपड्या चारी
गीत – ना. धों. महानोर
संगीत – पं. हृदयनाथ मंगेशकर
स्वर- चंद्रकांत काळे, रवींद्र साठे
चित्रपट – जैत रे जैत
गीत प्रकार – चित्रगीत
गडद जांभळं
भरलं आभाळ
मृगातल्या सावल्यांना बिलोरी भोवळ
खोलवरी चिंब बाई मातीला दरवळ
सांजेच्या मलूल
धुळवड येळेला
भरल्या पदरानं झाकावी भूल
खोलवरी चिंब बाई मातीला दरवळ
गीत – ना. धों. महानोर
संगीत – आनंद मोडक
स्वर- उत्तरा केळकर, रवींद्र साठे, अरुण इंगळे
चित्रपट – एक होता विदूषक
गीत प्रकार – चित्रगीत, ऋतू बरवा
घन ओथंबून येती
बनांत राघू ओघिरती
पंखावरती
सर ओघळती
झाडांतून झडझडती
घन ओथंबून झरती
नदीस सागरभरती
डोंगरलाटा
वेढित वाटा
वेढित मजला नेती
घन ओथंबून आले
पिकात केसर ओले
आडोशाला
जरा बाजूला
साजण छेलछबिला
घन होऊन बिलगला
गीत – ना. धों. महानोर
संगीत – पं. हृदयनाथ मंगेशकर
स्वर- लता मंगेशकर
गीत प्रकार – ऋतू बरवा, भावगीत