लपे करमाची रेखा
माझ्या कुंकवाच्या खाली
पुसूनिया गेलं कुंकू
रेखा उघडी पडली
देवा तुझ्याबी घरचा
झरा धनाचा आटला
धनरेखेच्या चर्यानं
तळहात रे फाटला
राहो लाल माझे सुखी
हेच देवाला मागणं
त्यांत आलं रे नशीब
काय सांगे पंचागन
नको नको रे जोतिषा
माझ्या दारी नको येऊ
माझं दैव मला कळे
नको हात माझा पाहू
गीत – बहिणाबाई चौधरी
संगीत – वसंत पवार
स्वर- आशा भोसले
चित्रपट – मानिनी (१९६१)
गीत प्रकार – चित्रगीत
माणसापरी माणूस, राहतो रे वेडा जाणा
आणि होतो छापूनिया, कोरा कागद शहाणा
नको लागू जीवा सदा मतलबापाठी
हृदयाचं देणघेणं, नाही पोटासाठी
उभे शेतामधी पिकं, ऊन्ह-वारा खात खात
तरसती ‘केव्हा जाऊ’ देवा, भुकेल्या पोटात
पेटवा रे चुल्हा आता, मांडा ताटवाटी
नको लागू जीवा सदा मतलबापाठी
पाहूनिया रे लोकांचे व्यवहार खोटे-नाटे
तेव्हा बोरीबाभळीच्या आले अंगावर काटे
राखणीच्यासाठी झाले शेताला कुपाटी
नको लागू जीवा सदा मतलबापाठी
गीत – बहिणाबाई चौधरी
संगीत –
स्वर- शालिनी अरुण सरनाईक
गीत प्रकार – कविता
धरित्रीच्या कुशीमधे
बियबियाणं निजली
वर पसरली माती
जशी शाल पांघरली
बीय डरारे भूमीत
सर्व कोंब आले वर
गहिवरलं शेत जसं
अंगावरती शहारं
ऊनवार्याशी खेळता
एका एका कोंबांतून
प्रगटली दोन पानं
जशी हात ती जोडून
टाळ्या वाजवती पानं
दंग देवाच्या भजनी
जशी करती करुणा
होऊ दे रे आबादानी
दिसामासा होय वाढ
रोप झाली आता मोठी
आला पिकाला बहर
झाली शेतामध्ये दाटी
कशी वार्यानं डोलती
दाणे आले गाडी गाडी
देव अजब गारुडी
देव अजब गारुडी
गीत – बहिणाबाई चौधरी
संगीत – वसंत पवार
स्वर- सुमन कल्याणपूर
चित्रपट – मानिनी (१९६१)
गीत प्रकार – चित्रगीत