झुलविले मला का सांग ना
करुनिया जिवाची वंचना?
ऐकण्यास नादमधुर
बोल तुझे गोड, चतुर
जीव सख्या होय अतुर
परि का जाशि तू निघुनी दूर
विरहिणी इथे ही अंगना
चंद्रमा नभांगणी
पसरवुनी मोहिनी
उमलविल्या मधु-नलिनी
परि का राहिलास लोपुनी
तुडवुनी हृदयीच्या बंधना?
गीत – दत्ता डावजेकर
संगीत – दत्ता डावजेकर
स्वर- माणिक वर्मा
गीत प्रकार – भावगीत
सखे ग कृष्णमूर्त गोजिरी
ही ठसली मम अंतरी
धरी वदनी मधु बासरी
मधुर काढी सूर श्रीहरी
बावरे सृष्टि सुंदरी
कर्णात कनक कुंडले
कंठी वैजयंती ही रुळे
माणिक मुकुट शिरावरी
शोभतो हा कितीतरी
झळकते प्रभा ही बिल्वरी
गीत – दत्ता डावजेकर
संगीत – दत्ता डावजेकर
स्वर- लता राव
गीत प्रकार – हे श्यामसुंदर, भावगीत
थांबते मी रोज येथे जी तुझ्यासाठी
बोलणे ना बोलणे रे ते तुझ्या हाती
मधुर स्वप्ने मीलनाची लाविती मज वेड का ती
रंगवीण्या स्वप्न माझे पाहिजे मज तूच रे
रंगणे ना रंगवीणे ते तुझ्या हाती
अळविती मजला तया मी टाकिते झिडकारुनी
अळविते तुज तान भरुनी याचनेची रागिणी
ऐकणे ना ऐकणे रे ते तुझ्या हाती
उपवनी सुमने उमलती, भ्रमर ते मधुगंध लुटती
हृदय-पुष्प तुला दिले जे एकदा उमले
चुंबिणे ना चुंबिणे रे ते तुझ्या हाती
गीत – दत्ता डावजेकर
संगीत – दत्ता डावजेकर
स्वर- आशा भोसले
गीत प्रकार – भावगीत
बहरली जणू लतिका कलिका
जीव रमला या फुलाला
मोहची भारी गमला मजला
ठायीं ठायीं वेडा झाला
काय मनाला वाटें सखया
न कळे हो परि मोदमया
प्रेमरंगी सुखदा फुलल्या
गीत – दत्ता डावजेकर
संगीत – दत्ता डावजेकर
स्वर- माणिक वर्मा
गीत प्रकार – भावगीत
भाऊबीजेला आला माझा भाऊ घरी
अंगासी सुगंधी उटणे लावू
भाऊरायाला न्हाऊ घालू
पहाटेच्या मंगल वेळी शोभा न्यारी
चंदनी पाट वरी चांदीचे ताट
रांगोळीची नक्षी दाट, संगती सुगंधी थाट
आनंदे चाखू दे बाई मेजवानीची माधुरी
चंद्र बिजेचा गगनी आला
दीप कुळाचा भाऊ सजला
ओवाळाया आनंदाने मी ग त्याला
माझ्या ग आरतीत देई मोतीयांच्या सरी
गीत – दत्ता डावजेकर
संगीत – दत्ता डावजेकर
स्वर- लता मंगेशकर
गीत प्रकार – भावगीत
चल जाऊ रमूं या वनीं
सखे, सुखद गमला वसंत नयनीं
घेशील केविं मधु कोकिळा
भ्रमर मोहुनी या कमला
हासवीं कलिका खेळवीं कलिका
मधुर नादांवरी गुंगुनी
गीत – दत्ता डावजेकर
संगीत – दत्ता डावजेकर
स्वर- माणिक वर्मा
गीत प्रकार – भावगीत, नयनांच्या कोंदणी