या गडे हासू या, या गडे नाचू या
गाऊ या मंगल गान !
खेळू या फुगडी धरुनिया फेर
रचू या आरास चौरंगी चौफेर
देऊ या घेऊ या प्रेमाचा आहेर, मिळून थोर-लहान !
आपुली धरती आपुले आकाश
आपुला सागर आपुला प्रकाश
सुनील नभात गुंजते रंगात, खगांचि स्वच्छंद तान !
वादळाचे वारे घोंघावे जगात
शांतिचे चांदणे माझ्या माहेरात
मावेना आनंद दृष्टीत देहात, वाटते हरपे भान !
गीत – संजीवनी मराठे
संगीत – श्रीनिवास खळे
स्वर- सुमन कल्याणपूर
गीत प्रकार – बालगीत
अंबरांत नाजुकशी चंद्रकोर हांसे
मंदिरांत कां ग सखे सोडिसी उसासे
कुस्करुनी टकिलीस माळ ही कळ्यांची
चालविली उघडझांप नेत्रपाकळ्यांची
मोकळाच केशपाश, वसन तुझें साधें
कां धरिसी हरिवरती मधुरुसवा राधे?
कंसदमन करण्या हरि मथुरेला गेला
येइल परतूनि खचित घेउनि जयमाला
रथ दारीं राहि उभा, कोण गे तयांत
आण गडे पंचारति, आले यदुनाथ
प्रणयसागरावरती रमणिहृदय नाचें
अंबरांत नाजुकशी चंद्रकोर हांसे.
गीत – संजीवनी मराठे
संगीत – यशवंत देव
स्वर- मधुबाला जव्हेरी
गीत प्रकार – शब्दशारदेचे चांदणे, भावगीत, हे श्यामसुंदर