सखि बघ अघटित घडले ग
स्वप्नामधल्या निशिगंधाची अवचित होऊन गेले ग !
मजला काही न कळले ग
संथ शांत या सरितेचे जळ आज खळाळून उठले ग !
गगन धरेवर झुकले ग
सुधबुध सारी राधेपरि मी पुरती हरवुनी गेले ग !
वादळ वारे सुटले ग
श्रावणमेघापरी बरसला, सचैल पुरती न्हाले ग !
तेज रवीचे झरले ग
पान पान या प्राणलतेचे लाजलाजुनी लवले ग !
गीत – इंदिरा कुलकर्णी
संगीत – गजानन वाटवे
स्वराविष्कार- ∙ रंजना जोगळेकर∙ कुंदा बोकिल( गायकांची नावे कुठल्याही विशिष्ट क्रमाने दिलेली नाहीत. )
गीत प्रकार – भावगीत
