हलके हलके चाल राधे, हलके हलके चाल
राधे घागर डोईला, राधे घागर डोईला
लागु नको ग लागु नको कान्ह्याच्या नादाला
फुटेल घागर त्या नादानं काय सांगशिल नवर्याला
जाउ नको ग जाउ नको कुंजाच्या वाटेला
वृंदावनिच्या आडवाटा सामिल मेल्या कान्ह्याला
ऐकु नको ग ऐकु नको कान्ह्याच्या मुरलीला
या मुरलीवर आजवर त्यानी कैक भुलविल्या व्रजबाला
विसरु नको ग विसरु नको प्रीतीच्या संसारा
प्रीतीफुलांचा साज वेच ग पतिदेवाच्या पूजेला
गीत – बाबुराव गोखले
संगीत – बाबुराव गोखले
स्वर- बाबुराव गोखले
गीत प्रकार – भावगीत, हे श्यामसुंदर
