टप् टप् टप् काय बाहेर वाजतंय् ते पाहू
चल् ग आई, चल् ग आई, पावसांत जाऊ !
भिरभिरभिर अंगणांत बघ वारे नाचतात !
गरगर गरगर त्यासंगे चल गिरक्या घेऊ !
आकाशी गडगडते, म्हातारी का दळते?
गडड्गुडुम गडड्गुडुम ऐकत गे राहू !
ह्या गारा सटासटा आल्या चटाचटा
पट् पट् पट् वेचुनिया ओंजळीत घेऊ !
फेर गुंगुनी धरू, भोवर्यापरी फिरू
“ये पावसा, घे पैसा”, गीत गोड गाऊ !
पहा फुले, लता-तरू, चिमणि, गाय-वासरू
चिंब भिजती, मीच तरी का घरात राहू?
गीत – श्रीनिवास खारकर
संगीत – श्रीनिवास खळे
स्वर- आशा भोसले
गीत प्रकार – बालगीत, ऋतू बरवा
