अच्युता अनंता श्रीधरा माधवा ।
देवा आदि देवा पांडुरंगा ॥१॥
कृष्णा विष्णु हरि गोविंदा वामना ।
तूंचि नारायणा नामधारी ॥२॥
मुकुंदा मुरारी प्रद्युम्ना केशवा ।
नाम सदाशिवा शांतरूपा ॥३॥
रूपातीत हरी दाखवीं सगुण
निरंतर ध्यान करी नामा ॥४॥
गीत – संत नामदेव
संगीत –
स्वर- सुरेश हळदणकर
राग – भैरवी
गीत प्रकार – हे श्यामसुंदर, संतवाणी
चक्रवाक पक्षी वियोगें बाहाती ।
झालें मजप्रती तैसें आतां ॥१॥
चुकलिया माय बाळकें रडती ।
झालें मजप्रती तैसें आतां ॥२॥
वत्स न देखतां गाई हुंबरती ।
झालें मजप्रती तैसें आतां ॥३॥
जीवनावेगळे मत्स्य तळमळती ।
झालें मजप्रती तैसें आतां ॥४॥
नामा ह्मणे मज ऐसें वाटे चित्तीं ।
करितसें खंती फार तुझी ॥५॥
गीत – संत नामदेव
संगीत – कमलाकर भागवत
स्वर- सुमन कल्याणपूर
गीत प्रकार – संतवाणी
डोलत डोलत टमकत चाले ।
गोजिरीं पाउलें टाकूनियां ॥१॥
पायीं रुणझुण वाजतात वाळे ।
गोपी पाहातां डोळे मन निवे ॥२॥
सांवळें सगुण मानस मोहन ।
गोपी रंजवण नामा ह्मणे ॥३॥
गीत – संत नामदेव
संगीत – श्रीनिवास जोशी
स्वर- पं. भीमसेन जोशी
गीत प्रकार – हे श्यामसुंदर, संतवाणी