लवलव करी पातं :
डोळं नाही थार्याला;
एकटक पाहूं कसं
लुकलुक तार्याला?
चव चव गेली सारी,
जोर नाही वार्याला;
सुटं सुटं झालं मन :
धरूं कसं पार्याला?
कुणी कुणी नाही आलं,
फडफड राव्याची;
रुणझुण हवा का ही?
गाय उठे दाव्याची.
तटतट करी चोळी,
तूट तूट गाठीचीं;
उंबर्याशी जागी आहे
पारूबाई साठीची.
गीत – आरती प्रभू
संगीत – पं. हृदयनाथ मंगेशकर
स्वर- पद्मजा फेणाणी-जोगळेकर
चित्रपट – निवडूंग
गीत प्रकार – चित्रगीत, नयनांच्या कोंदणी
