हृदयिं धरा हा बोध खरा ।
संसारीं शांतिचा झरा ॥
संशय खट झोटिंग महा ।
देउं नका त्या ठाव जरा ॥
निशाचरी कल्पना खुळी ।
कवटाळिल ही भीती धरा ॥
बहुरूपा ती जनवाणी ।
खरी मानितां घात पुरा ॥
गीत – गो. ब. देवल
संगीत – गो. ब. देवल
स्वराविष्कार- ∙ शरद जांभेकर∙ बालगंधर्व∙ मधुवंती दांडेकर( गायकांची नावे कुठल्याही विशिष्ट क्रमाने दिलेली नाहीत. )
नाटक – संगीत संशयकल्लोळ
राग – पिलू
चाल-जल जयो ऐसी
गीत प्रकार – नाट्यसंगीत
ईश चिंता निवारील सारी ।
भाव निश्चल मनें ठेविं तूं त्यावरी ॥
संकटें शत जरी प्राप्त झालीं ।
सर्व संहारुनी योग्य कालीं ।
करिल कल्याण तो चंद्रमौली ।
पूर्ण विश्वास या विप्रवचनीं धरीं ॥
गीत – गो. ब. देवल
संगीत – गो. ब. देवल
स्वर- अजितकुमार कडकडे
नाटक – संगीत शारदा
ताल-दीपचंदी
चाल-देव विघ्नेश तारी
गीत प्रकार – नाट्यसंगीत
जठरानला शमवाया नीचा ।
कां न भक्षिसी गोमय ताजें ॥
धनलोभानें वद आजवरी ।
किती नेणत्या मूक कुमारी ॥
त्वां दिधल्या रे वृद्धवरकरीं ।
खाटिकही तव कृतिला लाजे ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
राग – अडाणा
ताल-त्रिताल
गीत प्रकार – नाट्यसंगीत
जन सारे मजला म्हणतिल कीं ॥
दारिद्र्यानें बहुतचि छळिलें ।
धन त्याजवळीं कांहिं न उरलें ।
म्हणुनि कर्म हें अनुचित केलें ।
ऐसें दूषण देतिल कीं ॥
गीत – गो. ब. देवल
संगीत – गो. ब. देवल
स्वर-
नाटक – संगीत मृच्छकटिक
राग – तोडी
ताल-त्रिताल
गीत प्रकार – नाट्यसंगीत
कधिं करिती लग्न माझें तुज ठावें ईश्वरा ॥
वाढली उंच ही किती । हंसुनि बोलती ।
नाक मुरडिती । स्त्रिया परभारां ॥
मैत्रिणी वदति टोंचुनी । शब्द ते मनीं ।
जाति भेदुनी । सुरीच्या धारा ॥
जनक तो नांव काढिना । माय सुचविना ।
हौस मग कुणा । कोण झटणारा ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
चाल-सखयांनो दाखवा गे
गीत प्रकार – नाट्यसंगीत
लग्नविधींतील खरें मर्म काय ठाऊक तें मुळिंहि तुज नसे ॥
वैवाहिक होममंत्र अंतःपट अक्षतादि ।
पोषक हे विधि, मिळणी जीव जीवा सार हें असे ॥
गीत – गो. ब. देवल
संगीत – गो. ब. देवल
स्वर- बालगंधर्व
नाटक – संगीत संशयकल्लोळ
राग – पहाडी
गीत प्रकार – नाट्यसंगीत
मजवरी तयांचें प्रेम खरें ।
जें पहिलें जडलें तें उरे ॥
कसासि लावुनि अंत पाहिला ।
परि न जराही ओसरे ॥
संशय-पटला दूर सारितां ।
प्रकाशेल कीं मग पुरें ॥
गीत – गो. ब. देवल
संगीत – गो. ब. देवल
स्वर- आशा खाडिलकर
नाटक – संगीत संशयकल्लोळ
राग – पहाडी
चाल-मेरा चित्त
गीत प्रकार – नाट्यसंगीत
मज गमे ऐसा जनक तो । मांग साचा ॥
मुख सुरकुतलें, मस्तक पिकलें ।
शरीर रोगांनीं पोखरिलें ।
स्मशान ज्याने सन्निध केलें ।
त्या प्रेताला दुहिता विकतो ॥
क्रूराधम हा जनक कशाचा ।
अप्रत्यभक्षी व्याघ्र मुखाचा ।
वास नसावा जगीं अशाचा ।
नवल हेंच यम यास विसरतो ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
चाल-करि दळो बारो कामिनि
गीत प्रकार – नाट्यसंगीत
रमवाया जाऊं । प्रियासी ।
रमवाया जाऊं ॥
मेघ असो कीं रात्र असो ही ।
पर्जन्याची वृष्टि पडो ही ।
भीती तयाची मजला नाहीं ।
विघ्न कांहीं येऊं ॥
गीत – गो. ब. देवल
संगीत – गो. ब. देवल
स्वराविष्कार- ∙ बालगंधर्व∙ यशवंत लोलेकर( गायकांची नावे कुठल्याही विशिष्ट क्रमाने दिलेली नाहीत. )
नाटक – संगीत मृच्छकटिक
चाल-व्यर्थ अम्हि अबला
गीत प्रकार – नाट्यसंगीत
शिणवू नको कंठ असा ।
तृषित न मी बोधरसा ।
ढोंग्या न राहीं उभाही, जरासा ॥
साधु न तुम्ही, भोंदू चोर ।
धूर्त कपटी शठ कठोर ।
पाडितसां व्यसनिं थोर ।
देव खुळ्या स्त्रीपुरुषां ॥
गीत – गो. ब. देवल
संगीत – गो. ब. देवल
स्वर-
नाटक – संगीत संशयकल्लोळ
गीत प्रकार – नाट्यसंगीत
श्रीमंत पतीची राणी, मग थाट काय तो पुसतां ।
बंगला नवा नवकोनी, फुलबाग बगीचा भवता ॥
किती दासी जोडुनि पाणि,
“जी” म्हणतील कामाकरितां ।
ही जात्या चतुर शहाणी,
पति मुठींत ठेविल पुरता ।
सुग्रास बसुनि खायाला ।
मउ शय्या लोळायाला ।
गुजगोष्टि काळ जायाला ।
ना काम, धाम, ना चिंता ।
ही फुगेल बघतां बघतां ॥
गीत – गो. ब. देवल
संगीत – गो. ब. देवल
स्वर- आशा भोसले
नाटक – संगीत शारदा
चाल-जरि गंध जगाचा
गीत प्रकार – नाट्यसंगीत
तनुविक्रय पाप महा । पापांच्या वसलें कळसीं ।
स्त्रीयांस भूषण लाज विनय हे कोमल भाव मनींचे ।
ते जाळाया धनार्थ नच तो देव घालि जन्मासी ॥
गीत – गो. ब. देवल
संगीत – गो. ब. देवल
स्वर-
नाटक – संगीत संशयकल्लोळ
गीत प्रकार – नाट्यसंगीत
तरुण कुलिन गोरा, हंसतमुख, तरुण कुलिन गोरा ।
पाहिजे मुलीला चतुर सद्गुणी सुंदरसा नवरा ॥
(चाल)
पुरवील तिची जो हौस सदा बहु परि ।
घालील शाल जो मायेची तिजवरी ।
तिळमात्र तिला जो दु:ख न देइल घरीं ।
विद्वानांत हिरा, चकाकत, विद्वानांत हिरा ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
चाल-माळिण नवतरणी
गीत प्रकार – नाट्यसंगीत
यमपाश, गळ्याशीं ज्यास लागला,
त्यास मला कां देतां? ।
कां मांस विकुनि, धर्मास वाकडे जातां? ।
पाळिलें घातलें खाया, अजवरी ।
बकरीस मोल बहु याया, ज्यापरी ।
ही तुमचि मुलीवर माया, कां खरी? ।
जगतांत, सदय सकळांत माउली तात,
मुलीला असतां ।
मग तुम्हीच इतके कठोर कां गे होतां? ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
चाल-मम गौरीही कूपि न मी
गीत प्रकार – नाट्यसंगीत
अगदिंच तूं वेडी ।
वयांत या अविचार मदादिक पुरुषां बहु खोडी ॥
बघसि न दूरवरी ।
स्वयंमन्य ते, व्यसनी चंचल, बोधाचे वैरी ॥
म्हणसी मी शहाणी,
सांग टाकिल्या अशा पिशांनीं रडति किती तरुणी ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
गीत प्रकार – नाट्यसंगीत
अजुनि खुळा हा नाद पुरेसा कैसा होइना ।
नाटक झालें जन्माचें मनिं कां हो येइना ॥
व्यसनें जडली नवीं नवीं, कुणि तिकडे पाहिना ।
नांव बुडविलें वडिलांचें कीर्ति जगीं माइना ॥
गीत – गो. ब. देवल
संगीत – गो. ब. देवल
स्वर- बालगंधर्व
नाटक – संगीत शारदा
राग – झिंझोटी
ताल-त्रिताल
गीत प्रकार – नाट्यसंगीत
बघुनि वाटे त्या नील पयोदातें ।
हरिच दुसरा कीं आक्रमी नभातें ।
बलाकांची शंखसी करीं माला ।
तडित्पीताम्बर बांधिला कटिला ॥
गीत – गो. ब. देवल
संगीत – गो. ब. देवल
स्वर- छोटा गंधर्व
नाटक – संगीत मृच्छकटिक
गीत प्रकार – नाट्यसंगीत
बघुनि त्या भयंकर भूता फोडिली तिनें किंकाळी ।
या हृदया चरका बसला, कळवले मनहि त्या काळीं ।
परि बाप तिचा तो कसला चांडाळ पूर्विचा वैरी ।
तिळभरही द्रवला नाहीं उलट त्या बिचारिस मारी ।
ती दीन भयाकुल मुद्रा रात्रंदिन दिसते बाई ।
रडविलें तिनें मज कितिदां दचकतें भिउनि शयनींही ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
चाल-जळो ग यांचं स्नान
गीत प्रकार – नाट्यसंगीत
भरे कांपरे, भ्रम दृष्टि ही, जीभहि गेलि सुकोनी ॥
दीक्षितरायें लाज राखिली संकट तें टाळोनी ।
आशा लग्नाची । झाली प्रबल पुन्हां अमुची ॥
गीत – गो. ब. देवल
संगीत – गो. ब. देवल
स्वर-
नाटक – संगीत शारदा
गीत प्रकार – नाट्यसंगीत
धन्य आनंददिन पूर्ण मम कामना ।
मुदित कुलदेवता सफल आराधना ॥
लाभ व्हावा जिचा लोभ धरिला महा ।
प्राप्त मज होय ती युवति मधुरानना ॥
गीत – गो. ब. देवल
संगीत – गो. ब. देवल
स्वराविष्कार- ∙ प्रभाकर कारेकर∙ शरद जांभेकर∙ रामदास कामत( गायकांची नावे कुठल्याही विशिष्ट क्रमाने दिलेली नाहीत. )
नाटक – संगीत संशयकल्लोळ
राग – सारंग
चाल-आज अंजन
गीत प्रकार – नाट्यसंगीत