हरि ॐ हरि ॐ !
प्रणव ओंकार शिवा
हृदयांत उजळू दे सूर्यदेवा
हरि ॐ हरि ॐ !
स्वरचक्र उलगडे तानांचे
हे बोल खोल मम प्राणांचे
प्रतिभेचा हुंकार नवा
हरि ॐ हरि ॐ !
तिमिरांत सभोंती गगनप्रभा
ज्योतीर्मय त्यातून दिव्य सभा
विलसू दे रुपेरी चंद्रथवा
हरि ॐ हरि ॐ !
गीत – गुरुनाथ शेणई
संगीत – भानुकांत लुकतुके
स्वर- रामदास कामत
गीत प्रकार – प्रार्थना
हरी मेरो जीवन प्राण-अधार
और आसरो नाहीं तुमबिन तीनो लोक मज़ार
आपबिना मोहे कछु ना सुहायो निरख्यो सब संसार
मीरा कहे मै दासी बावरी दीज्यौ मती बिसार
गीत – विद्याधर गोखले
संगीत – पं. राम मराठे
स्वराविष्कार- ∙ पं. राम मराठे∙ मधुवंती दांडेकर
नाटक – मंदार-माला
राग – मिश्र पिलू
ताल-केरवा
गीत प्रकार – हे श्यामसुंदर, नाट्यसंगीत
हरीभोवती नित्य नाचतो
भक्तांचा मेळा
हरी भक्तिचा भुकेला
पहाटसमयी जात्यावरती
दळू लागला जनीसंगती
ओवी गाऊन हा जगजेठी
भक्ताघरी रंगला
घास घेई नारायणा
नामदेव तो हट्ट सोडिना
श्रीपतिराणा त्रिभुवनाचा
भक्तासवे जेवला
कबिराघरचे विणले शेले
भक्त-प्रभु ते एकची झाले
भक्तासवे त्या प्रभु नाचले
घेउनी भक्ति-ध्वजा
गीत – योगेश्वर अभ्यंकर
संगीत – गोविंद पोवळे
स्वर- माणिक वर्मा
गीत प्रकार – हे श्यामसुंदर, भक्तीगीत
हरिभजनावीण काळ घालवूं नको रे ! ॥१॥
दोरिच्या सापा भिऊनि भवा । भेटि नाहीं जिवा शिवा ।
अंतरिंचा ज्ञानदिवा मालवूं नको रे ! ॥२॥
विवेकाची ठरेल ओल । ऐसे बोलावे कीं बोल ।
आपुल्या मतें उगीच चिखल कालवूं नको रे ! ॥३॥
संत संगतीने उमज । आणुनि मनिं पुरतें समज ।
अनुभवावीण मान हालवूं नको रे ! ॥४॥
सोहिरा ह्मणे ज्ञानज्योति । तेथें कैंचि दिवसराति ।
तयाविण नेत्रपातिं हालवूं नको रे ! ॥५॥
गीत – संत सोहिरोबानाथ
संगीत – पं. जितेंद्र अभिषेकी
स्वराविष्कार- ∙ पं. जितेंद्र अभिषेकी∙ दशरथ पुजारी∙ पं. हृदयनाथ मंगेशकर( गायकांची नावे कुठल्याही विशिष्ट क्रमाने दिलेली नाहीत. )
गीत प्रकार – संतवाणी
टीप – • स्वर- पं. जितेंद्र अभिषेकी, संगीत- पं. जितेंद्र अभिषेकी.• स्वर- दशरथ पुजारी, संगीत- दशरथ पुजारी.• स्वर- पं. हृदयनाथ मंगेशकर, संगीत- पं. हृदयनाथ मंगेशकर, चित्रपट- अंतरीचा दिवा.
हरी अधरी, धरी मुरली
निनादत नाद कुंजवनी
मधुर मधुमास, पुरवी आस
रचिला रास गोपांनी
टिपरी वाजे, झांज वाजे, वाजतो मृदंग
नाचे तन, नाचे मन, नाचे अंतरंग
छन छननन छन छननन ताल पैंजणांतुनी
रचिला रास गोपांनी
लखलखती भवताली रम्य दीपज्योती
वदनांवर सर्वांच्या आगळीच कांती
नाचते राधिका देहभान हरपुनी
रचिला रास गोपांनी
गीत – शान्ता शेळके
संगीत – बाळ पळसुले
स्वर- आशा भोसले
चित्रपट – सासुरवाशीण
गीत प्रकार – चित्रगीत, हे श्यामसुंदर
लुटुलुटु धावत खुदुखुदु हासत
हरी आला ग माझ्या अंगणी
रुणझुणतो वाळा करी लाडिकचाळा
नाचे कान्हा ग माझ्या अंगणी
जाई-जुई फुलली
जिवाची कळी कळी फुलली
बघ चिमण्या अधरी
कशी ग बाई धरी चिमणी मुरली
ल्याला गोजिरवाणी, नवलाईची लेणी
नंदकिशोर आला अंगणी
बाल मुकुंद गुणी
जणू सखे साजणी, ब्रह्म सानुले उभे अंगणी
गीत – स. अ. शुक्ल
संगीत – यशवंत देव
स्वर- सुमन कल्याणपूर
गीत प्रकार – हे श्यामसुंदर, भावगीत
हरवले ते गवसले का? गवसले ते हरवले का?
मीलनाचा परिमल तोचि, फूल तेचि त्या स्वरूपी
पाकळ्यांच्या उघडझापी, हास्य उमले वेगळे का?
पावसाळी ग्रीष्म सरिता, सागराला फिरूनि मिळता
जलाशयाची सृष्टी आता, मृगजळे ही व्यापिली का?
दूर असता जवळी आले, जवळी येता दूर गेले
जो न माझे दुःख हसले, तोचि सुखही दुखावले का?
गीत – पी. सावळाराम
संगीत – वसंत प्रभु
स्वर- लता मंगेशकर
राग – पूर्वा कल्याण
गीत प्रकार – भावगीत
हरवले माझे काहीतरी
काय हरवले कसे हरवले काही कळेना परि
सहज कुणाला दुरुन पाहिले
ओठंगुन मी दूर राहिले
स्पर्शावाचून उगीच उमटला काटा अंगावरी
बघता बघता भुलले डोळे
त्या डोळ्यांतिल भाव निराळे
जागेपणी मज भूल घातली बाई कोणीतरी
लज्जा की ती होती भीती
अजुनी मज ते नसे माहिती
तिथुन परतले परि विसरले तेथे काहीतरी
गीत – ग. दि. माडगूळकर
संगीत – वसंत पवार
स्वर- आशा भोसले
चित्रपट – बाळा जो जो रे
गीत प्रकार – चित्रगीत
हले, झुलत डुले पाळणा
प्राणफुला झोपी जा ना
जो जो रे
निजला गंध वारा, झोपला नभी तारा
पेंगुळला पानांवरी कळ्या-फुलांचा तुरा
पुनवा रात बोले, मीट तू बाळा डोळे
झोका देते रे, नीज लाडक्या चिमण्या छकुल्या राजिवा
पाळणा मंद होतो, आईला आलिंगतो
काळजाचे पांघरूण घालिते आई तुला
गीत – स. अ. शुक्ल
संगीत – स्नेहल भाटकर
स्वर- लता मंगेशकर
चित्रपट – चिमुकला पाहुणा
गीत प्रकार – चित्रगीत
हले हा नंदाघरी पाळणा
त्यांत देखणा गोजिरवाणा
हसतो गोकुळराणा
ओठ लाल ते डोळे चिमणे
हास्यातुन त्या फुले चांदणे
स्वरूप सुंदर लोभसवाणे
मोहुन घेई मना
बोल बोबडे ते भाग्याचे
शब्द वाटती ते वेदांचे
रुणझुणताती घुंगुरवाळे
ये धेनूंना पान्हा
नंद-यशोदा करिती कौतुक
आनंदाचे अमाप ते सुख
मायपित्यांविण कसे कळावे
सौख्य तयाचे कुणा?
गीत – मधुकर जोशी
संगीत – वसंत प्रभु
स्वर- सुमन कल्याणपूर
गीत प्रकार – हे श्यामसुंदर, भावगीत
हले डुले हले डुले पाण्यावरी नाव
पैलतिरी असेल माझ्या राजसाचा गाव
कुठून बाई ऐकु येई पावा
उगीच कसा भास असा व्हावा
कोण दूर घुमवी सूर लागेना ग ठाव
शांत जली का हलली छाया
कोण असे भुलवितसे वाया
हळूच हसे लपुनी बसे चालवुनी भाव
कुजबुजते माझ्या मी कानी
गुणगुणते अस्फुट ही गाणी
मीच हसे मीच फसे, काय हा स्वभाव
गीत – ग. दि. माडगूळकर
संगीत – वसंत पवार
स्वर- आशा भोसले
चित्रपट – स्त्री जन्मा ही तुझी कहाणी
गीत प्रकार – चित्रगीत
हलके हलके जोजवा बाळाचा पाळणा
पाळण्याच्या मधोमध फिरतो खेळणा
सजली ग मऊ मऊ मखमालीची शैय्या
निजली ग बाळाची गोरीगोरी काया
बाळ रूपडे देवाचे भुलविते लोचना
खेळवा लाडानं गोपा बायांनो
गोविंद घ्या गोपाळ घ्या म्हणा सयांनो
नाव ठेवा नवसाचं हा राजा देखणा
कुर्रर्र करा कानात, हळूच भेटा ग
बारशाचा सोहळा घुगर्या वाटा ग
आज बाई इंद्राचा दरबार ठेंगणा
गीत – जगदीश खेबूडकर
संगीत – एन्. दत्ता
स्वर- उषा मंगेशकर
चित्रपट – बाळा गाऊ कशी अंगाई
गीत प्रकार – चित्रगीत
हलके हलके चाल राधे, हलके हलके चाल
राधे घागर डोईला, राधे घागर डोईला
लागु नको ग लागु नको कान्ह्याच्या नादाला
फुटेल घागर त्या नादानं काय सांगशिल नवर्याला
जाउ नको ग जाउ नको कुंजाच्या वाटेला
वृंदावनिच्या आडवाटा सामिल मेल्या कान्ह्याला
ऐकु नको ग ऐकु नको कान्ह्याच्या मुरलीला
या मुरलीवर आजवर त्यानी कैक भुलविल्या व्रजबाला
विसरु नको ग विसरु नको प्रीतीच्या संसारा
प्रीतीफुलांचा साज वेच ग पतिदेवाच्या पूजेला
गीत – बाबुराव गोखले
संगीत – बाबुराव गोखले
स्वर- बाबुराव गोखले
गीत प्रकार – भावगीत, हे श्यामसुंदर
घट तिचा रिकामा झर्यावरी,
त्या चुंबिति नाचुनि जललहरी.
अशी कशी ही जादू घडली?
बघतां बघतां कशी हरपली?
का समजुनिया राणी अपुली
तिज उचलुनी नेई कुणितरी?
मिळत चालल्या तिनिसांजा,
दिवसाचा हा धूसर राजा,
चंद्रा सोपुनि आपुल्या काजा
घे निरोप कवळुनि जगा करीं.
पलीकडे त्या करुनि कापणी
बसल्या बाया हुश्श करोनी,
विनोद करिती, रमती हसुनी,
जा पहा तिथे कुणि ही भ्रमरी.
तिथे वडाच्या पाळीभवती,
नवसास्तव मृगनयना जमती;
कुजबुजुनी गुजगोष्टी करिती;
रतिमंजरि हेरा तिथे तरी.
पलीकडे वेळुंची जाळी;
तेथे वारा धुडगुस घाली,
शीळ गोड तीमधुनि निघाली,
ही झुळुक हरपली लकेरिपरी.
गीत – भा. रा. तांबे
संगीत – गजानन वाटवे
स्वर- गजानन वाटवे
गीत प्रकार – भावगीत
टीप – • काव्य रचना- १५ फेब्रुवारी १९२२, अजमेर.
घट डोईवर घट कमरेवर
सोडी पदरा नंदलाला
कुणीतरी येईल, अवचित पाहिल
जाता जाता आगही लाविल
सर्व सुखाच्या संसाराला
हलता कलता घट खिंदळता
लज्जेवरती पाणी उडता
नकोच होईन मीच मला
केलीस खोडी, पुरे एवढी
जोवर हसते मनात गोडी
हसुनी तूही हो बाजूला
गीत – पी. सावळाराम
संगीत – वसंत प्रभु
स्वर- लता मंगेशकर
गीत प्रकार – हे श्यामसुंदर, भावगीत
घर थकलेले संन्यासी, हळूहळू भिंतही खचते
आईच्या डोळ्यांमधले नक्षत्र मला आठवते
ती नव्हती संध्या मधुरा, रखरखते ऊनच होते
ढग ओढून संध्येवाणी आभाळ घसरले होते
पक्षांची घरटी होती ते झाड तोडले कोणी
एकेक ओंजळीमागे असतेच झर्याचे पाणी
मी भिऊन अंधाराला अडगळीत लपुनी जाई
ये हलकेहलके मागे त्या दरीतली वनराई
गीत – ग्रेस
संगीत – पं. हृदयनाथ मंगेशकर
स्वर- पं. हृदयनाथ मंगेशकर
चित्रपट – निवडूंग
गीत प्रकार – चित्रगीत, आई, नयनांच्या कोंदणी
घर दोघांचे, घरकुल पाखरांचे
वाटा कशा निराळ्या जणू एकरूप झाल्या
एका खुळ्या जगात त्याही खुळावलेल्या
जुळले अतुट नाते दोन्ही मनामनांचे
कधी भांडलोही थोडे, थोडे दुरावलोही
पण खूण त्या क्षणाची जपली मनात नाही
रुजले कधी न बीज दोघांत संशयाचे
विश्वास ठेविला मी, विश्वास तू दिलास
जपलेस तू मला अन् मीही तुझ्या मनास
एका क्षणात अपुल्या सुख साधले युगांचे
गीत – सुधीर मोघे
संगीत – सुधीर फडके
स्वर- अनुराधा पौडवाल
चित्रपट – चोराच्या मनांत चांदणे
गीत प्रकार – चित्रगीत
घर असावे घरासारखे
नकोत नुसत्या भिंती
इथे असावा प्रेम-जिव्हाळा
नकोत नुसती नाती
त्या शब्दांना अर्थ असावा
नकोच नुसती वाणी
सूर जुळावे परस्परांचे
नकोत नुसती गाणी
त्या अर्थाला अर्थ असावा
नकोत नुसती नाणी
अश्रूंतुनही प्रीत झरावी
नकोच नुसते पाणी
या घरट्यातुन पिल्लू उडावे
दिव्य घेउनि शक्ती
आकांक्षांचे पंख असावे
उंबरठ्यावर भक्ती
गीत – विमल लिमये
संगीत – श्रीधर फडके
स्वर- श्रीधर फडके
गीत प्रकार – भावगीत
घनु वाजे घुणघुणा । वारा वाहे रुणझुणा ।
भवतारकु हा कान्हा । वेगीं भेटवा कां ॥१॥
चांदु वो चांदणे । चांपे वो चंदने ।
देवकीनंदनेविण । नावडे वो ॥२॥
चंदनाची चोळी । माझे सर्व अंग पोळी ।
कान्हो वनमाळी । वेगीं भेटवा कां ॥३॥
सुमनाची सेज । सितळ वो निकी ।
पोळे आगीसारिखी । वेगीं विझवा कां ॥४॥
तुह्मी गातसां सुस्वरें । ऐकोनि द्यावी उत्तरें ।
कोकिळें वर्जावें । तुह्मीं बाईयांनो ॥५॥
दर्पणीं पाहतां । रूप न दिसे वो आपुलें ।
बाप रखुमादेवीवरें । मज ऐसें केलें ॥६॥
गीत – संत ज्ञानेश्वर
संगीत – पं. हृदयनाथ मंगेशकर
स्वर- लता मंगेशकर
राग – बागेश्री
गीत प्रकार – हे श्यामसुंदर, संतवाणी
घनश्याम सुंदरा श्रीधरा अरुणोदय झाला
उठिं लौकरि वनमाळी उदयाचळीं मित्र आला
आनंदकंदा प्रभात झाली उठी सरली राती
काढिं धार क्षिरपात्र घेउनी धेनू हंबरती
लक्षिताति वांसुरें हरी धेनुस्तनपानाला
सायंकाळीं एकेमेळीं द्विजगण अवघे वृक्षीं
अरुणोदय होतांच उडाले चरावया पक्षी
प्रभातकाळीं उठुनि कापडी तीर्थपंथ लक्षी
करुनि सडासंमार्जन गोपी कुंभ घेउनि कुक्षीं
यमुनाजळासि जाति मुकुंदा दध्योदन भक्षीं
गीत – शाहीर होनाजी बाळा
संगीत – वसंत देसाई
स्वर- पंडितराव नगरकर, लता मंगेशकर
चित्रपट – अमर भूपाळी
राग – देसकार, भूप
गीत प्रकार – चित्रगीत, हे श्यामसुंदर