अगा करुणाकरा करितसें धांवा ।
या मज सोडवा लवकरी ॥१॥
ऐकोनियां माझी करुणेचीं वचनें ।
व्हावें नारायणें उतावीळ ॥२॥
मागें पुढें अवघा दिसे रिता ठाव ।
ठेवूनि पायीं भाव वाट पाहें ॥३॥
उशीर तो आतां न पाहिजे केला ।
अहो जी विठ्ठला मायबापा ॥४॥
उरलें तें एक हेंचि मज आतां ।
अवघें विचारितां शून्य जालें ॥५॥
तुका ह्मणे आतां करीं कृपा दान ।
पाउलें समान दावीं डोळां ॥६॥
गीत – संत तुकाराम
संगीत – श्रीनिवास खळे
स्वर- लता मंगेशकर
राग – तोडी
गीत प्रकार – संतवाणी, विठ्ठल विठ्ठल
