लपे करमाची रेखा
माझ्या कुंकवाच्या खाली
पुसूनिया गेलं कुंकू
रेखा उघडी पडली
देवा तुझ्याबी घरचा
झरा धनाचा आटला
धनरेखेच्या चर्यानं
तळहात रे फाटला
राहो लाल माझे सुखी
हेच देवाला मागणं
त्यांत आलं रे नशीब
काय सांगे पंचागन
नको नको रे जोतिषा
माझ्या दारी नको येऊ
माझं दैव मला कळे
नको हात माझा पाहू
गीत – बहिणाबाई चौधरी
संगीत – वसंत पवार
स्वर- आशा भोसले
चित्रपट – मानिनी (१९६१)
गीत प्रकार – चित्रगीत
