दयाघना
का तुटले चिमणे घरटे?
उरलो बंदी असा मी
अरे जन्म बंदिवास
सजा इथे प्रत्येकास
चुके ना कुणास
आता बंदी तुझा मी
दयाघना
दहा दिशांची कोठडी
मोह-माया झाली बेडी
प्राण माझे ओढी
झालो बंदी असा मी
दयाघना
बालपण उतू गेले
अन् तारुण्य नासले
वार्धक्य साचले
उरलो बंदी पुन्हा मी
दयाघना
गीत – सुधीर मोघे
संगीत – पं. हृदयनाथ मंगेशकर
स्वर- सुरेश वाडकर
चित्रपट – संसार
राग – पूर्वा
गीत प्रकार – चित्रगीत
