लपविलास तू हिरवा चाफा
सुगंध त्याचा छपेल का?
प्रीत लपवुनी लपेल का?
जवळ मने पण दूर शरीरे
नयन लाजरे चेहरे हसरे
लपविलेस तू जाणून सारे
रंग गालीचा छपेल का?
क्षणांत हसणे, क्षणांत रुसणे
उन्हात पाऊस, पुढे चांदणे
हे प्रणयाचे देणेघेणे
घडल्यावाचुन चुकेल का?
पुरे बहाणे गंभिर होणे
चोरा तुझिया मनी चांदणे
चोरही जाणे, चंद्रही जाणे
केली चोरी छपेल का?
गीत – ग. दि. माडगूळकर
संगीत – प्रभाकर जोग
स्वर- मालती पांडे
गीत प्रकार – भावगीत
