दाटु लागली उरांत चोळी कुठवर आता जपायचं
औंदा लगीन करायचं मला औंदा लगीन करायचं
रस्त्यानं जाताना बघत्यात किती
गालांतल्या गालांत हसत्यात किती
पदर सारखा ढळतोय ग किती तयाला आवरायचं
मनात ठसतोय कुणीतरी
उरात होतंय् कसंतरी
झोप रातिला येइना मुळी सपनात कुनितरि बघायचं
धक्का मारत्यात रस्त्यामधी
खळबळ होतिया मनामधी
मनासारखा हवा गडी कुठवर बाई थांबायचं
गीत – म. पां. भावे
संगीत – विश्वनाथ मोरे
स्वर- सुलोचना चव्हाण
गीत प्रकार – लावणी
