लळा-जिव्हाळा शब्दच खोटे, माश्या मासा खाई
कुणी कुणाचे नाही राजा कुणी कुणाचे नाही
पिसे तनसडी काड्या जमवी चिमणी बांधी कोटे
दाणा दाणा आणून जगवी जीव कोवळे छोटे
बळावता बळ पंखामधले पिल्लू उडुनी जाई
रक्तही जेथे सूड साधते तेथे कसली माया?
कोण कुणाची बहीण भाऊ पती पुत्र वा जाया
सांगायाची नाती सगळी जो तो अपुले पाही
गीत – ग. दि. माडगूळकर
संगीत – श्रीनिवास खळे
स्वर- सुधीर फडके
चित्रपट – जिव्हाळा
गीत प्रकार – चित्रगीत
