जिकडेतिकडे शोधित का रे फिरशी वेड्यापरी
वसे तो देव तुझ्या अंतरी
तरिते काठी डोंगरमाथी
संत-मुनीजन प्रभुगुण गाती
या विश्वाचा जो निर्माता जागा असे श्रीहरी
मिळतो मानव जन्म एकदा
ईश्वर एकच असे सर्वथा
अज्ञानाचा सारून पडदा येसन मार्गावरी
असेल इच्छा जर मुक्तीची
कास धरावी सद्भक्तीची
वाट खरी ही आत्महिताची तुज या धरतीवरी
गीत – दत्ता पाटील
संगीत – मधुकर पाठक
स्वर- प्रह्लाद शिंदे
गीत प्रकार – भक्तीगीत
