इथे मिळाली सागर-सरिता, ही प्रीतीची एकरूपता
इथे मिळाली !
कमलफुलांचे सुगंध सिंचन की भ्रमराला गोड निमंत्रण
मिटे पाकळी मीलन घडता, ही प्रीतीची एकरूपता
इथे मिळाली !
या धरणीची हाक ऐकिली, निळे गगन हे झुकले खाली
क्षितिजावरही प्रेम सांगता, ही प्रीतीची एकरूपता
इथे मिळाली !
बांधु अपुले घरकुल चिमणे, तुझियासाठी माझे जगणे
मरणा येईल चिरंजीविता, ही प्रीतीची एकरूपता
इथे मिळाली !
गीत – जगदीश खेबूडकर
संगीत – हेमंत केदार
स्वर- कृष्णा कल्ले, महेंद्र कपूर
चित्रपट – तोचि साधू ओळखावा
गीत प्रकार – चित्रगीत, युगुलगीत
