आईलाही विसरून जाती या देशातील पिले अडाणी
चल सोडून हा देश पक्षिणी
विराण झाले अरण्य सारे
भणभण करते भीषण वारे
दिसे न कोठे कण अन्नाचा, कुठे दिसेना पाणी
मोडून पडली घरटी-कोटी
कशी राहशील इथे एकटी
इथे न नांदे कोणी जिवलग, नसे आप्तही कोणी
उडुन उंच जा ऊर्ध्व दिशेला
मार्ग मानिनी अन्य न तुजला
स्वार्थाविण ना धर्म जाणिती खुळे येथले प्राणी
गीत – ग. दि. माडगूळकर
संगीत – सुधीर फडके
स्वर- सुधीर फडके
चित्रपट – एकटी
गीत प्रकार – चित्रगीत
