बया बया बया !
काय झालं बया?
दादला नको ग बाई
मला नवरा नको ग बाई !
मोडकंच घर, तुटकंच छप्पर
पन र्हायाला जागा नाही
मला दादला नको ग बाई !
फाटकंच लुगडं, तुटकीच चोळी
पन शिवायला दोरा न्हाई
मला दादला नको ग बाई !
कळण्याची भाकर, अंबाड्याची भाजी
वर तेलाची धारच न्हाई
मला दादला नको ग बाई !
एका जनार्दनी समरस झाले
पण तो रस येथे नाही
मला दादला नको ग बाई !
गीत – संत एकनाथ
संगीत – राम कदम
स्वर- शाहीर साबळे
गीत प्रकार – चित्रगीत, लोकगीत, संतवाणी
