हा महाल कसला? रानझाडी ही दाट
अंधार रातीचा, कुठं दिसंना वाट
कुण्या द्वाडानं घातला घाव, केली कशी करणी?
सख्या रे, घायाळ मी हरिणी !
काजळकाळी गर्द रात अन् कंप कंप अंगात
सळसळणार्या पानांनाही रातकिड्यांची साथ
कुठं लपू मी? कशी लपू मी? गेले भांबावुनी !
गुपित उमटले चेहर्यावरती, भाव आगळे डोळ्यांत
पाश गुंतले नियतीचे रे तुझ्या नि माझ्या भेटीत
कुठं पळू मी? कशी पळू मी? गेले मी हरवुनी !
गीत – जगदीश खेबूडकर
संगीत – भास्कर चंदावरकर
स्वराविष्कार- ∙ लता मंगेशकर∙ रवींद्र साठे( गायकांची नावे कुठल्याही विशिष्ट क्रमाने दिलेली नाहीत. )
चित्रपट – सामना
राग – सोहनी
गीत प्रकार – चित्रगीत
