थंड थंड अशी हवा
हवेमधे गंध नवा
हात तुझा हाती हवा, याहुन काही नको !
सांज अशी ही धूसर श्यामल
श्वासांवर दरवळतो परिमल
मनी तुझ्या प्रीतीची चाहूल, याहुन काही नको !
वसंत येथे सदा असावा
फुलांतुनी अनुराग हसावा
कणाकणांतून तोच दिसावा, याहुन काही नको !
ही हिरवी मखमल, हा वारा
ह्या थुईथुई नाचती जलधारा
एक झोपडी हाच निवारा, याहुन काही नको !
गीत –
संगीत – शंकरराव कुलकर्णी
स्वर- आशा भोसले
चित्रपट – आलिया भोगासी
गीत प्रकार – चित्रगीत
