नको रे बोलूस माझ्याशी
प्रीत दाविशी एकीसंगे संगत दुसरीशी
शीळ घालिशी चंद्रावळीशी
गुज बोलिशी राधेपाशी
नट मुलखाचा तू हृषिकेशी
गोकुळवासी मुली भुलविसी
खेळशी दिवस-निशी
गोकुळातील द्वाड पोरटी
दहीदुध चोरीती तुझ्याचसाठी
गोपी फिरती तुझ्याच पाठी
अप्पलपोट्या तू मुलखाचा
कळे न कोणाशी
गीत – ग. दि. माडगूळकर
संगीत – सुधीर फडके
स्वर- आशा भोसले
चित्रपट – संथ वाहते कृष्णामाई
गीत प्रकार – चित्रगीत, हे श्यामसुंदर
