अ आ आई, म म मका
मी तुझा मामा, दे मला मुका
प प पतंग आभाळात उडे
ढ ढ ढगांत चांदोमामा दडे
घ घ घड्याळ, थ थ थवा
बाळ जरि खट्याळ, तरी मला हवा
ह ह हम्मा गोड दूध देते
च च चिऊ अंगणात येते
भ भ भटजी, स स ससा
मांडीवर बसा नि खुदकन हसा
क क कमळ पाण्यावर डुले
ब ब बदक तुरुतुरु चाले
ग ग गाडी झुक झुक जाई
बाळ माझे कसे गोड गाणे गाई
गीत – मधुसूदन कालेलकर
संगीत – राम कदम
स्वर- मन्ना डे
चित्रपट – एक धागा सुखाचा
गीत प्रकार – बालगीत, चित्रगीत
