अंगणी माझ्या मनाच्या मोर नाचु लागले
दाटुनी आभाळ आले मेघ बरसु लागले
अशा चिंब ओल्या क्षणी
पुकारे तुझी साजणी !
चांदीची ही थेंब फुले या माळुनी येती सरी
आणि मातीच्या गंधाने भरती सरसर घागरी
धुंद नाचते उन्मनी
पुकारे तुझी साजणी !
गार वारा मन भरारा शिरशिरी देही उठे
हा असा पाऊस आणि मी तुला शोधु कुठे
खोड ही तुझी रे जुनी
पुकारे तुझी साजणी !
गीत – चंद्रशेखर सानेकर
संगीत – अवधूत गुप्ते
स्वर- वैशाली सामंत
अल्बम – पाऊस
गीत प्रकार – ऋतू बरवा, भावगीत, मना तुझे मनोगत
