ॐ नमोजी आद्या । वेद प्रतिपाद्या ॥
जय जय स्वसंवेद्या । आत्मरूपा ॥१॥
देवा तूंचि गणेशू । सकळमतिप्रकाशु ॥
ह्मणे निवृत्तिदासु । अवधारिजो जी ॥२॥
अकार चरणयुगुल । उकार उदर विशाल ॥
मकार महामंडल । मस्तकाकारें ॥३॥
हे तीन्ही एकवटले । तेथ शब्दब्रह्म कवळलें ॥
ते मियां श्रीगुरुकृपें नमिलें । आदिबीज ॥४॥
आतां अभिनव वाग्विलासिनी । जे चातुर्यार्थकलाकामिनी ॥
ते श्रीशारदाविश्वमोहिनी । नमिली मीयां ॥५॥
गीत – संत ज्ञानेश्वर
संगीत – पं. हृदयनाथ मंगेशकर
स्वर- लता मंगेशकर
गीत प्रकार – संतवाणी
टीप – • ‘ॐ’कारातील सहस्वर- उषा मंगेशकर, मीना खडीकर, हृदयनाथ मंगेशकर.
