तशी जागा निवार्याला कुठे माझ्या घरी होती?
पथारी टाकण्यासाठी जगाची ओसरी होती !
अशासाठीच मी माझे भरू नाही दिले डोळे,
तुम्ही हासाल, ही माझी कधीची खातरी होती !
सकाळी तू उन्हापाशी कसा केलास कांगावा,
तरीही खूण चंद्राची तुझ्या ओठांवरी होती !
मला फासावरी कोणी शहाणा सांगतो आहे-
‘तुला संधी जगायाची मिळालेली बरी होती !’
जिथे गेलो, तिथे माझी नद्यांनी कौतुके केली..
कधी इंद्रायणी होती ! कधी गोदावरी होती !
अरे, ह्या जिन्दगानीची कधी मी काळजी केली?
मला सांभाळण्यासाठी मराठी वैखरी होती !
गीत – अण्णासाहेब किर्लोस्कर
संगीत – अण्णासाहेब किर्लोस्कर
स्वर-
नाटक – संगीत सौभद्र
चाल-समज धर गड्या
गीत प्रकार – नाट्यसंगीत
