गडद निळे गडद निळे जलद भरुनि आले
शीतलतनु चपलचरण अनिलगण निघाले
क्षितिजीं आलें भरतें ग
घनांत कुंकुंम खिरतें ग
झालें अंबर
झुलतें झुंबर
हवेंत अत्तर तरतें ग
लाजण झाली धरती ग
साजण कांठावरतीं ग
उन्हांत पान
मनांत गान
ओलावुन थरथरतें ग
नातें अपुलें न्हातें ग
होउनि ऋतुरस गातें ग
तृणांत मोती
जळांत ज्योती
लावित आलें परतें ग.
सरिंवर सरी आल्या ग
सचैल गोपी न्हाल्या ग.
गीत – बा. भ. बोरकर
संगीत – श्रीधर फडके
स्वर- पद्मजा फेणाणी-जोगळेकर
गीत प्रकार – ऋतू बरवा, भावगीत
टीप – • काव्य रचना- ४ ऑक्टोबर १९५९.
