भातुकली उधळली अचानक
रुसे बाहुला, खिन्न बाहुली
भातुकली उधळली !
पाटालागी पाट लावुनी
चूलबोळकी त्यास मांडुनी
खेळ खेळता एक दिलानी
अर्ध्यावरती दृष्ट लागली !
पातक देवा गतजन्मीचे
या जन्मी का भोगायाचे
दूषण लागुनी अभिसाराचे
सुवासिनीची गणिका ठरली !
संसाराच्या राज्यामधली
अखेर राणी दासी ठरली
गीत भैरवी गाऊ लागली
पूर्वरात्रीला मैफल उठली !
गीत – ग. दि. माडगूळकर
संगीत – वसंत प्रभु
स्वर- सुमन कल्याणपूर
चित्रपट – दिसतं तसं नसतं
गीत प्रकार – चित्रगीत
