पक पक पक पक पकाक पक
आज काही नाही कामात उरक
काल तुला पाहिली
आस मनी राहिली
तुझी नि माझी व्हावी वळख
लाखाहुनी न्यारा
तुझा गडे तोरा
डोळ्यांत काही न्यारी चमक
वय तुझं चौदा
लहान पोरसवदा
चालण्यात बोलण्यात न्यारी लचक
गोरा तुझा रंग
लुसलुशीत अंग
ओठांची ठेवण तांबडीभडक
तुझ्या गालावर तीळ
माझ्या ओठांत शीळ
तुझं तूच हे गुपित वळख
गीत – ग. दि. माडगूळकर
संगीत – सुधीर फडके
स्वर- सुधीर फडके
चित्रपट – जशास तसें
गीत प्रकार – चित्रगीत
