“गर्द सभोंतीं रान साजणी तूं तर चाफेकळी !
काय हरवलें सांग शोधिसी या यमुनेच्या जळीं?”
ती वनमाला म्हणे, “नृपाळा, हें तर माझें घर
पाहत बसते मी तर येथें जललहरी सुंदर.”
“रात्रीचे वनदेव पाहुनी भुलतिल रमणी तुला;
तूं वनराणी, दिसे भुवनीं ना तुझिया रूपा तुला.
अर्धस्मित तव मंद मोहने, पसरे गालांवरी,
भुललें तुजला हृदय साजणी, ये चल माझ्या घरीं.”
गीत – बालकवी
संगीत – पं. जितेंद्र अभिषेकी
स्वर- आशालता वाबगावकर
नाटक – मत्स्यगंधा
राग – बैरागी भैरव
गीत प्रकार – नाट्यसंगीत
टीप – • काव्य रचना- मे १९३६.
