या चिमण्यांनो परत फिरा रे, घराकडे अपुल्या
जाहल्या तिन्हीसांजा जाहल्या
दहा दिशांनी येईल आता अंधाराला पूर
अशा अवेळी असू नका रे आईपासून दूर
चुकचुक करिते पाल उगाच चिंता मज लागल्या
अवतीभवती असल्यावाचुन कोलाहल तुमचा
उरक न होतो आम्हा आमुच्या कधीही कामाचा
या बाळांनो या रे लौकर वाटा अंधारल्या
गीत – ग. दि. माडगूळकर
संगीत – श्रीनिवास खळे
स्वर- कुंदा बोकिल, लता मंगेशकर
चित्रपट – जिव्हाळा
गीत प्रकार – चित्रगीत
