अंध बिचारी मी जरी बाला
पाहिले न कधी शशीसूर्याला
वाण नसे परि आनंदाला
कारण अंध अशी मी बाला ॥
कळ्या फुलांचा रंग तजेला
कसा दिसावा अभागिनीला
परि ते देती सुगंध मजला
कारण अंध अशी मी बाला ॥
पक्षांच्या नभी उडत्या लीला
कुठुन पहाणे या जन्माला
मला ऐकविती परि गानाला
कारण अंध अशी मी बाला ॥
गीत – गोविंदराव टेंबे
संगीत – गोविंदराव टेंबे
स्वर- पं. कुमार गंधर्व
नाटक – संगीत तुलसीदास
गीत प्रकार – नाट्यसंगीत
