बादशहाच्या अमर प्रीतिचे मंदिर एक विशाल
यमुनाकाठीं ताजमहाल
मूर्तिमंत झोपली प्रीत अन् मृत्यूचे ओढून पांघरूण
जीवन कसले महाकाव्य ते गाइल जग चिरकाल
यमुनाकाठीं ताजमहाल
नि:शब्द शांती अवतीभवती, हिरे जडविले थडग्यावरती
एकच पणती पावित्र्याची जळते येथ खुशाल
यमुनाकाठीं ताजमहाल
हळूच या रसिकांनो येथे, नका वाजवू पाऊलांते
दिव्यदृष्टिला होइल तुमच्या मंगल साक्षात्कार
यमुनाकाठीं ताजमहाल
गीत – अनिल भारती
संगीत – गजानन वाटवे
स्वर- गजानन वाटवे
गीत प्रकार – भावगीत
