कधी रे पाहिन डोळां तुला?

कधी रे पाहिन डोळां तुला?
सोनुल्या देवाघरच्या फुला

कस्तुरी-हरिणाच्या उदरी
हरीने साठविली कस्तुरी
सुगंधे हरिणच वेडावला !

देव तू येशिल माझ्या घरी
तुझ्यासह अमृत माझ्या उरी
कधी ते भरविन बाळा तुला?

फुला, तू संसारी मंगल
फुला, तू फुलाहुनी कोमल
करिन या तळहाताचा झुला

गीत – ग. दि. माडगूळकर

संगीत – वसंत पवार

स्वर- आशा भोसले

चित्रपट – बाळा जो जो रे

गीत प्रकार – चित्रगीत, नयनांच्या कोंदणी