सजणा, नको दूर देशीं जाऊं सजणा !
हुरहुर करतो माझा जीव
न ये जरा तुजला कीव
सजणा, नको दूर देशीं जाऊं सजणा !
समक्ष तुमच्या बसुनी तुम्हांसीं
नाहीं आजवर भाषण केलें
सजणा, लाजण्यामध्ये रे दिन गेले
सजणा, नको दूर देशीं जाऊं सजणा !
मर्जि मिळाली असतां अलीकडे
तुम्ही जातां टाकून वहिलें
सजणा, वाटते जिवंत असुनि मी मेलें
सजणा, नको दूर देशीं जाऊं सजणा !
गीत – शाहीर होनाजी बाळा
संगीत – वसंत देसाई
स्वर- लता मंगेशकर
चित्रपट – अमर भूपाळी
गीत प्रकार – चित्रगीत
