खुळ्या खुळ्या रे पावसा, किती भिजविसी मला?
नाही नाही म्हणताना मीही कवळिले तुला !
कसा वाहे गार वारा, अंग सारे थरथरे
त्यात तुझा अनावर वरतुनी हात फिरे
नाही नाही म्हणताना मीही कवळिले तुला !
कुठे जाऊ, धाऊ कुठे? आता पुरती भिजले
धुंद धारांच्या छतात बाई अखेरी लपले
नाही नाही म्हणताना मीही कवळिले तुला !
गीत – शिरिष पै
संगीत – पं. हृदयनाथ मंगेशकर
स्वर- आशा भोसले
चित्रपट – हे गीत जीवनाचे
गीत प्रकार – चित्रगीत, ऋतू बरवा
