बघत राहु दे तुझ्याकडे
आज अकल्पित भेट घडे, भेट घडे.
दुःख न उरले सरली भीती
अंगांगांतुन भरली प्रीती
धुंद गंध हा चहुकडे, चहुकडे.
गीत फुले कंठातुन कोमल
पंखांना ये आज नवे बळ
उल्लंघाया उंच कडे, उंच कडे.
सत्य भेटले सौंदर्याला
अंकुर फुटले माधुर्याला
हर्षसागरी गगन बुडे, गगन बुडे.
गीत – शांताराम आठवले
संगीत – प्रभाकर जोग
स्वर- सुधीर फडके, सुमन कल्याणपूर
चित्रपट – सुभद्राहरण
गीत प्रकार – चित्रगीत, युगुलगीत
