झुळझुळे नदी ही बाई
देहलतेला शीतल करुनी आनंदाने गाई
पानफुलांनी तरुवर फुलती
पाण्यावरती तरंग झुलती
सुरेल मुरलीनादे घुमते ती अंब्याची राई
सुखात का ग खुपते काही?
श्याम सावळा भेटत नाही
राधेला का छळिती गोपी, कळत कसे ग नाही
या पाण्यावर हृदय उमलते
हृदयातुनी का गुपित उकलते
नको गुपित ते उकलाया ग, अबोलीच मी राही
गीत – कवी संजीव
संगीत – दत्ता डावजेकर
स्वर- उषा मंगेशकर, मीना खडीकर
चित्रपट – थोरातांची कमळा
गीत प्रकार – चित्रगीत
