पडला पदर खांदा तुझा दिसतो ग
कमरेला कमरपट्टा कसतो ग बाई कसतो
काळ्या कुरळ्या वेणीत मरवा
जरतारी शालू हिरवा
गोर्या दंडात बाजूबंद खुलतो
सफरचंदाची गाली गुलाली
फुटलं डाळींब ओठांच्याखाली
राघू नाकाचा नुसताच रुसतो
तुझ्या तरुणपणाला ग धार
मार भिवईंची काळी कट्यार
घाव वर्मावरी असा बसतो
गीत – कवी संजीव
संगीत – वसंतकुमार मोहिते
स्वर- आशा भोसले
चित्रपट – भाऊबीज
गीत प्रकार – चित्रगीत, लावणी
